تۇركيادا جاڭا ۇكىمەت قالىپتاستىرىلدى
كابينەت ءىشىنارا جاڭاردى، ءبىراق تا باستى ەكونوميكالىق كوماندا تۇلعالارى ءوز لاۋازىمدارىن ساقتاپ قالدى، دەپ حابارلادى ر ب ك.
«بۇگىن ەل پرەزيدەنتى رەجەپ ەردوعان بەكىتكەن تۇرىك ۇكىمەتىنىڭ ەكونوميكالىق كومانداسىنىڭ باستى تۇلعالارى جاڭا كابينەتتەگى ءوز لاۋازىمدارىن ساقتاپ قالدى»، - دەپ حابارلادى Reuters. اگەنتتىك ولاردىڭ اينالىساتىن مىندەتتەرى ازىرگە بەلگىلەنگەن جوق، دەپ اتاپ وتكەن.
اتاپ ايتقاندا، بەس ۆيتسە-پرەمەردىڭ ءبىرى بولىپ، بۇرىنعى ۇكىمەتتە ەكونوميكاعا جاۋاپ بەرگەن مەحمەت شيمشەك تاعايىندالدى. سونداي-اق قارجى ءمينيسترى نادجي اگبال ءوز ورنىن ساقتاپ قالدى.
Reuters اگەنتتىگىنىڭ مالىمەتتەرى بويىنشا، ەردوعاننىڭ جاقىن وداقتاسى بولاتىن نيحات زەيبەكدجي ەكونوميكا ءمينيسترى قىزمەتىنە ورالدى. ول وتكەن جىلعى قاراشا ايىنا دەيىن مينيسترلىك باسشىسى بولدى، ال ودان كەيىن بۇل قىزمەتكە مۇستافا ەليتاش وتىرعان بولاتىن.
