21:32, 24 - مامىر 2016 | GMT +5
قازاقستان ۋران ءوندىرىسى بويىنشا كوشباسشى ءرولىن ساقتاۋعا نيەتتى - ق. بوزىمبايەۆ
استانا. قازاقپارات - بيىل قازاقستان 24 مىڭ توننادان استام ۋران ءوندىرىپ، وسى سالاداعى الەمدىك كوشباسشى ءرولىن ساقتاپ قالۋعا نيەتتى.
بۇل تۋرالى بۇگىن قازاقستان رەسپۋبليكاسىنىڭ ەنەرگەتيكا ءمينيسترى قانات بوزىمبايەۆ ءمالىم ەتتى.
«2016 -جىلدىڭ ناۋرىز- قاڭتار ايلارىندا قازاقستان 6 مىڭ توننا ۋران قازدى. 2016 -جىلدىڭ جالپى جوسپارى - 24080 توننا ۋران. الەمدە ۋران ءوندىرىسى بويىنشا قازاقستان 40 پايىزدىق ۇلەسپەن كوش باستاپ تۇر. وسى پوزيتسيامىزدى ساقتاۋ باستى جوسپارىمىز»، - دەدى ق. بوزىمبايەۆ.
ءمينيستردىڭ ايتۋىنشا، ۋران بايىتۋ باعىتىن جىلۋ جانە يادرولىق رەاكتورعا ارنالعان جىلۋ بولەتىن قۇرىلعىلاردى ءوندىرۋ ىسىنە ايىرباستاۋ كەرەك. «بۇل بىرەۋگە ۇنار، بىرەۋگە ۇناماس، ءبىراق، ەشتەمەگە قاراماستان بۇل ءىستى اتقارۋىمىز كەرەك»، - دەدى ق. بوزىمبايەۆ.
اۆتور: كەنجەكەي توقتامۇرات قىزى
