قازاقستاندىق ارابتانۋشى ستۋدەنتتەر كاتاردا تاعىلىمدامادان وتەدى

استانا. قازاقپارات - قازاقستان تاراپى اراب ءتىلى، مادەنيەتى جانە تاريحىن زەرتتەۋشى ماماندار كاتاردا تاعىلىمدامادان ءوتۋ ءۇشىن كەلىسسوزدەر جۇرگىزۋدە.

بۇل تۋرالى بۇگىن استانادا وتكەن باسپا ءسوز ءماسليحاتىندا كاتار مەملەكەتىندەگى ق ر توتەنشە جانە وكىلەتتى ەلشىسى اسقار شوقىبايەۆ ءمالىم ەتتى.

«ءبىز اتالعان ەلدىڭ ءبىلىم مينيسترلىگىمەن جاقسى ديالوگ ورناتتىق. اعىمداعى ايدىڭ باسىندا كاتار ءبىلىم مينيسترىمەن كەزدەسىپ، ەكى ەل جوعارى وقۋ ورىندارىنىڭ ستۋدەنتتەرىنىڭ جانە وقىتۋشىلارىنىڭ تاجىريبە الماسۋ تاقىرىپتارى تالقىلاندى. وسى رەتتە شىعىستانۋ سالاسىنىڭ مامانى رەتىندە ءبىزدىڭ ارابتانۋشى ستۋدەنتتەرگە تاعىلىمداما ءۇشىن قاجەتتى الاڭ ۇسىنۋعا كاتارلىقتارمەن كەلىسىمگە كەلۋ مەن ءۇشىن ماڭىزدى بولدى»، - دەدى ەلشى.

تاراتىلعان مالىمەتتەرگە قاراعاندا، قازاقستان تاراپى كاتاردىڭ مەملەكەتتىك وقۋ ورىندارىندا قازاقستاندىق ستۋدەنتتەرگە گرانتتار ءبولۋ مۇمكىندىگىن تالقىلاماق.

اۆتور: رۋسلان عابباسوۆ