16:42, 24 - مامىر 2016 | GMT +5
اۋىل شارۋاشىلىعى ءمينيسترى ا. مىرزاحمەتوۆ اقمولا وبلىسىنىڭ شارۋالارىمەن كەزدەستى
كوكشەتاۋ. قازاقپارات - بۇگىن ق ر اۋىل شارۋاشىلىعى ءمينيسترى اسقار مىرزاحمەتوۆ جۇمىس ساپارىمەن اقمولا وبلىسىندا بولىپ، اۋدان اكىمدەرىمەن جانە اۋىل شارۋاشىلىعى قۇرىلىمدارىنىڭ باسشىلارىمەن كەزدەستى.
جۇمىس ساپارىن اقكول اۋدانىنان باستاعان مينيستر «ەڭبەك» ج ش س ەگىستىك القابىندا شارۋالارمەن كەزدەستى. كەزدەسۋدە ەگىنشىلىك پەن مال شارۋاشىلىعىن دامىتۋ جانە سۋبسيديا ءبولۋ ماسەلەلەرى ءسوز بولدى.
وسى كۇنى اۋىل شارۋاشىلىعى ءمينيسترى اقكول قالاسىندا قۇرىلىسى تۇرالاپ قالعان قۋاتى جىلىنا 2200 توننا بولاتىن گوللاند ءادىسى بويىنشا كوكونىستەردى وسىرەتىن «جىلىجاي كەشەنى «ەcoProduct» ج ش س جىلىجاي كەشەنىن دە ءوز كوزىمەن كوردى.
سونىمەن قاتار مينيستر ا. مىرزاحمەتوۆ وڭىرگە ساپارى بارىسىندا كوكشەتاۋداعى «مولوكو سينەگوريا»، «بيجان» جانە «اقمولا بيداي» جاۋاپكەرشىلىگى شەكتەۋلى سەرىكتەستىكتەرىنىڭ جۇمىسىمەن تانىسادى دەپ جوسپارلانعان.
اۆتور: اسلان وسپانوۆ
