و. سۇلەيمەنوۆتىڭ پوەزياسىنداعى تاريح پەن تاعىلىم ماسەلەلەرى تالقىلاندى - فوتو
عىلىمي كونفەرەنتسيانى اشا وتىرىپ، ۇلتتىق مۋزەيدىڭ ديرەكتورى دارحان مىڭباي «باياندامالاردىڭ ورنىنا جينالعان قاۋىم مەن ولجاس سۇلەيمەنوۆتىڭ ءوزىن تىڭداساق، الدەقايدا ۇتىمدى بولادى» دەپ، اڭگىمەسىن مىنا ءبىر اڭىزبەن باستادى.
«ءبىزدىڭ ورتامىزدا قازاقتىڭ بەلگىلى تۇلعاسى، قازاقستاننىڭ ەڭبەك ەرى ولجاس ومار ۇلى سۇلەيمەنوۆ وتىر. ءماشھۇر-ءجۇسىپ كوپەيەۆ ارقىلى جەتكەن اڭىزداردىڭ بىرىندە ايتىلعانداي، ابىلايدىڭ سەرىكتەرىنىڭ ءبىرى ولجاباي باتىر سوعىستا قاتتى جارالانىپ، اقتىق ساتىندە: «مەنىڭ جەتىنشى ۇرپاعىم ۇلكەن اقىن، عالىم بولادى» دەگەن ەكەن . باتىردىڭ التىنشى ۇرپاعى ومار سۇلەيمەنوۆ وسى ءسوزدى جادىندا ۇستاپ بالالارىنىڭ بىرىنە ولجار، ەكىنشىسىنە ولجاس دەپ ات قويادى. مىنە، بۇگىن سول باتىردىڭ جەتىنشى ۇرپاعى - ولجاس سۇلەيمەنوۆ ورتامىزدا وتىر»، - دەدى د. مىڭباي.
عىلىمي كونفەرەنتسيا اياسىندا و. سۇلەيمەنوۆتىڭ شىعارماشىلىعى مەن ءومىرى تۋرالى سىر شەرتەتىن فوتو جانە كىتاپ كورمەلەرى ءوتتى. سونداي-اق، ۇلتتىق مۋزەي و. سۇلەيمەنوۆتىڭ 80 جىلدىعىنا وراي، جازۋشىنىڭ قولى قويىلعان ۇلكەن پورترەتتى مۋزەيدىڭ قورىنا قوستى.
