شۆەتسيانىڭ ءبىر قالاسى تولىعىمەن كوشىرىلمەك - كەسكىن

استانا. قازاقپارات - شۆەتسيا بيلىگى فانتاستيكالىق ءىس-ارەكەت، ەلدىڭ سولتۇستىگىندە ورنالاسقان كيرۋن قالاسىنىڭ تۇرعىندارىن قۇتقارۋ بويىنشا اسا وزەكتى جوبانى ىسكە اسىرماق.

 

قالا جىل سايىن جەر استىنا باتىپ جاتىر. كيرۋنانىڭ استىندا كەن شىعارۋ شاحتالارى ورنالاسقان، دەپ حابارلايدى Gizmodo.

ينجەنەرلەردىڭ باعالاۋىنشا، ەگەر شارا قولدانباسا، 2050-جىلعا قاراي قالا عيماراتتارىنىڭ كوبى شاحتالارعا قۇلايدى. سوندىقتان شۆەتسيا بيلىگى 12 جىل بويى 20 مىڭ ادام تۇرىپ جاتقان كيرۋنانى شىعىسقا قاراي 3 شاقىرىم جەرگە كوشىرۋدىڭ ءتۇرلى نۇسقالارىن قاراستىرىپ كەلەدى.

2004-جىلى قالانى كوشىرۋ بويىنشا ۇزدىك جوبانىڭ حالىقارالىق بايقاۋى وتكىزىلدى. بۇل ەرەكشە تەندەردى شۆەتسيالىق White Arkitekter ساۋلەت بيۋروسىنىڭ وكىلدەرى جەڭىپ الدى. ولاردىڭ KiRuna 4 Ever جوباسى 2014-جىلى باستالدى. كومپانيا ماماندارىنىڭ بوجامدارىنا قاراعاندا، 20 جىلدىڭ ىشىندە كيرۋنانىڭ بارلىق تۇرعىندارى جاڭا قالاعا كوشىرىلەدى.

مامىردىڭ ورتاسىندا ونىڭ قالاي جۇزەگە اسىرىلاتىنى تۋرالى شاعىن دەرەكتى فيلم جارىققا شىقتى.