جاڭادان اشىلاتىن «استانا- پاۆلودار» ەلەكتر پويىزى بيلەتىنىڭ باعاسى بەلگىلى بولدى

استانا. قازاقپارات - ق ر ينۆەستيتسيا جانە دامۋ مينيسترلىگى اپتاسىنا ەكى رەت قاتىنايتىن «استانا- پاۆلودار» جاڭا ەلەكتر پويىزىنىڭ بيلەت قۇنىن جاريا ەتتى.

«كەشە الەۋمەتتىك ماڭىزعا يە «استانا- پاۆلودار» باعىتى بويىنشا تاسىمالداۋشىنى انىقتاۋ ءۇشىن جۇرگىزىلگەن بايقاۋدىڭ قورىتىندىلارى شىقتى. پويىز 2016 -جىلدىڭ 1- ماۋسىمىنان باستاپ، اپتاسىنا ەكى مارتە - بەيسەنبى مەن جۇما كۇندەرى استانادان، سەنبى مەن جەكسەنبىدە پاۆلوداردان جۇرەتىن بولادى»، - دەدى بۇگىن ق ر  ي د م باسپا ءسوز حاتشىسى قايسار جۇماباي ۇلى.

ەلەكتر پويىزدىڭ قۇرامى 2013 -جىلى جاسالىنعان 3 ساناتتىق 8 ۆاگوننان تۇرادى.

بيلەت قۇنى: 1 سانات ءۇشىن - 2 305 تەڭگە، 2 ساناتقا - 2 147 تەڭگە جانە 3 سانات - 1 784 تەڭگە بولادى.

«ايتا كەتۋ كەرەك، استانا مەن پاۆلودار اراسىندا كۇنىنە 900 جولاۋشى قاتىنايدى. ال جازعى مەزگىلدە  1100 جولاۋشى جولعا شىعادى»، - دەدى ق. جۇماباي ۇلى.

  اۆتور: جاسۇلان جولدىبايەۆ