11:55, 24 - مامىر 2016 | GMT +5
سۇيىكتىسىنە ەرەكشە ۇسىنىس جاساماق بولعان قىتايلىق اعاشقا كەپتەلىپ قالدى
استانا. قازاقپارات - قىتايلىق ازامات سۇيىكتىسىنە ەرەكشە ۇسىنىس جاساماق بولعاندا پاراشيۋتى اعاشقا كەپتەلىپ قالدى دەپ حابارلايدى 24.kz.
بەلگىلى بولعانداي قىتايدىڭ يچان قالاسىنىڭ تۇرعىنى سۇيىكتىسىنە ەرەكشە ەتىپ ۇسىنىس جاساماق بولعان. ءسويتىپ «گوۋ حۋنيۋن، ماعان تۇرمىسقا شىق!» دەپ جازىلعان پاراشيۋتپەن جەرگە تۇسپەك بولادى. الايدا جىگىتتىڭ ويلاعانى جۇزەگە اسپاي، جەرگە قونۋ كەزىندە پاراشيۋتى اعاشتىڭ بۇتاقتارىنا قىستىرىلىپ قالعان.
وسىلايشا ەرەكشە ۇسىنىس جاساماق بولعان جىگىت اعاش باسىندا ءبىر ساعات وتىرۋعا ءماجبۇر بولىپتى. ءبىر ساعاتتان كەيىن قۇتقارۋشىلار ارنايى كرانمەن ونى ءتۇسىرىپ الدى.
