كاسپي جاعالاۋىندا تاڭعاجايىپ قۇبىلىس بولدى
بۇل تۋرالى 24.kz تەلەارناسى حابارلادى.
ۇزاق قاشىقتىققا ۇشا الاتىن ساياحاتشى جاندىكتەر الىس ساپاردان تىنىعۋ ءۇشىن كاسپي جاعالاۋىنا ايالداپتى. تىلشىلەردىڭ پايىمىنشا، بۇعان بيىلعى كوكتەمنىڭ جاڭبىرلى بولۋى ءارى جەلدىڭ باعىتى دا اسەر ەتسە كەرەك.
قاناتتارى قىزعىلت سارى ەرەكشە جاندىكتەر قالا كوشەلەرىنە ءسان بەرىپ، اعاشتار مەن گۇلزارلار، ءتىپتى تەڭىز جاعالاۋىنان دا ءجيى كەزدەستىرۋگە بولادى. مونارح كوبەلەكتەرى قورشاعان ورتاعا زيانسىز، تەك وسىمدىك شىرىنىمەن قورەكتەنەدى. ولارعا قۇستار دا تيمەيتىن كورىنەدى. ماماندار تابيعاتتىڭ مۇنداي توسىن سىيى كاسپي جاعالاۋىندا وسىدان ون جىل بۇرىن بولعانىن ايتادى.
«بۇل جاندىكتەردى مونارح كوبەلەگى دەپ توپشىلاپ وتىرمىز. بۇل كوبەلەكتەر وتە ۇزاق قاشىقتىققا ۇشا الادى. ءبىراق ءوز باعىتىنان اداسپايدى. كوكتەم مەن جاز ايلارىنا دەيىن الىستارعا ساپار شەگىپ، كۇن سۋىعاندا ءوز قىستاۋىنا ورالاتىن قاسيەتكە يە. ەڭ باستىسى - بۇل سارعىلت قاناتتىلاردىڭ تابيعاتقا زالالى جوق»، - دەيدى بيولوگ لاريسا گورديەنكو.
