10:45, 24 - مامىر 2016 | GMT +5
كانادالىق ايۋلار قالانى «جاۋلاپ» الدى - كەسكىن
استانا. قازاقپارات - كانادالىق ايۋلار تۇرعىندارى ورمان ورتتەرى سالدارىنان قاۋىپسىز جەرگە شىعارىلعان فورت-ماكميۋررەي قالاسىن باسىپ الۋى مۇمكىن.
جەرگىلىكتى پوليتسەيلەر قالانى كۇتپەگەن قوناقتاردان قورعاپ قالۋعا ارەكەتتەنىپ وتىر.
كانادالىق البەرتا پروۆينتسياسىنىڭ ورماندارىندا 40 مىڭ ايۋ مەكەندەپ جاتىر. الايدا ءورت سالدارىنان ورماننىڭ كوپ بولىگى ورتەنىپ، جانۋارلار تابيعي تىرشىلىك ەتۋ ورتاسىنان ايىرىلدى.
ازىق ىزدەپ جۇرگەن ايۋلار سول ءۇشىن قالاعا كىرۋگە ءماجبۇر بولىپ وتىر، ال مۇندا ادامداردىڭ بولماۋى ولاردىڭ ساياحاتىن قاۋىپسىز ەتۋگە جاعداي جاساۋدا. بۇدان باسقا، بوس قالعان ۇيلەردە ازىق-تۇلىك بۇلىنە باستاپ، ءيىسى بۇكىل قالاعا تاراپ كەتتى، دەپ جازادى epochtimes.ru.
«ادامداردىڭ بولماۋى ايۋلاردىڭ بۇرىن بارماعان جەرلەرگە كىرۋىنە جاعداي جاساپ وتىر»، - دەيدى البەرتا ۋنيۆەرسيتەتىنىڭ پروفەسسورى بيولوگ لي فۋتا.
