جەر ماسەلەسىن حالىق اراسىندا ءتۇسىندىرۋ جۇمىستارى كەڭىنەن جالعاسۋى كەرەك - كارىم كوكىرەكبايەۆ
جامبىل وبلىسى اكىمىنىڭ باسپا ءسوز قىزمەتىنىڭ حابارلاۋىنشا، 20- مامىر كۇنى وبلىس اكىمدىگىنىڭ عيماراتىندا ايماق باسشىسى كارىم كوكىرەكبايەۆتىڭ قاتىسۋىمەن جەر رەفورماسىنا قاتىستى قوعامدىق كەڭەس وتىرىسى ءوتتى.
جيىندا قوعامدىق كەڭەس ءتوراعاسى جاندار كارىبايەۆ ايماق تۇرعىندارىنا جەر كودەكسىنە ەنگىزىلگەن وزگەرىستەر مەن تولىقتىرۋلار تۋرالى تۇسىندىرمە جۇمىستارىن جۇرگىزۋ ءۇشىن ارنايى جۇمىس توبى قۇرىلىپ، ونىڭ قۇرامىنا 18 ادام كىرگەنىن ايتتى.
ايتا كەتەيىك، جۇمىس توبىنىڭ قۇرامىنا «نۇر وتان» پارتياسىنىڭ وبلىستىق فيليالى، وبلىستىق ءماسليحاتتىڭ حاتشىسى، قوعامدىق كەڭەس ءتوراعاسى، وبلىستىق كاسىپكەرلەر پالاتاسىنىڭ ديرەكتورى، وبلىستىق باسقارما باسشىلارى كىردى.
- مەملەكەت باسشىسى تاۋەلسىزدىگىمىزدىڭ 25 جىلىندا قول جەتكىزگەن ەلىمىزدىڭ جەتىستىكتەرىن، جەر ماسەلەسىن حالىق اراسىندا ءتۇسىندىرۋ جۇمىستارىن بەلسەندى جۇرگىزۋدى تاپسىردى. سوندىقتان، ايماق باسشىسى بۇل باعىتتاعى شارالار كەڭىنەن جالعاسۋى كەرەك ەكەندىگىن اتاپ ءوتتى، - دەدى وبلىس اكىمى.
جۇمىسشى توپتىڭ جۇمىسشى ورگانى بولىپ وبلىس اكىمدىگىنىڭ جەر قاتىناستارى باسقارماسى بولىپ بەلگىلەندى.
وبلىس اكىمدىگى جانىنان قۇرىلعان جۇمىسشى توپتىڭ جەر كودەكسىنە ەنگىزىلگەن وزگەرتۋلەر مەن تولىقتىرۋلاردى وبلىس تۇرعىندارىنا ءتۇسىندىرۋ بويىنشا ءىس-شارالار جوسپارى بەكىتىلگەن. بەكىتىلگەن ءىس-شاراعا سايكەس اعىمداعى جىلدىڭ 16- مامىرىنان باستاپ، جەرگىلىكتى جەرگە شىعۋ جولىمەن تۇرعىندارعا ءتۇسىندىرۋ جۇمىستارى جۇرگىزىلۋدە.
بۇگىنگى كۇنى ەلدى مەكەندەردە بارلىعى 373 كەزدەسۋ وتكىزىلىپ، 35 مىڭنان استام ادام قامتىلدى.
وبلىستىڭ اقپارات قۇرالدارىندا تيىسىنشە ماقالالار جاريالانىپ، تەلە ارنالاردا سۇحباتتار بەرىلدى.
سونىمەن قاتار، 14- مامىردان باستاپ، وبلىس ورتالىعىندا جانە تاراز قالاسى مەن اۋدانداردا جەر رەفورماسى ماسەلەلەرىن ءتۇسىندىرۋ بويىنشا Call-centrе ورتالىقتارى تاڭعى ساعات 8:00 دەن كەشكى 20:00 گە دەيىن جۇمىس جاساۋدا.
