08:59, 24 - مامىر 2016 | GMT +5
ۆان دەر بەللەن اۆستريا پرەزيدەنتى بولىپ سايلاندى
استانا. قازاقپارات - اۆستريادا پرەزيدەنت سايلاۋىنىڭ ەكىنشى تۋرى اياقتالىپ، «جاسىلدار» پارتياسىنىڭ بۇرىنعى باسشىسى جانە تاۋەلسىز كانديدات الەكساندر ۆان دەر بەللەن جەڭىسكە جەتتى، دەپ حابارلادى BBC اگەنتتىگى.
ونىڭ قارسىلاسى اۆستريانىڭ اسىرە وڭشىل «ەركىندىك» پارتياسى اتىنان سايلاۋعا تۇسكەن كانديدات نوربەرت حوفەر جەڭىلگەنىن مويىندادى.
ەكى كانديدات اراسىنداعى جينالعان داۋىس ايىرماشىلىعى ۇلكەن ەمەس: ۆان دەر بەللەنگە 50,3 پايىز داۋىس بەرىلسە، حوفەر 49,7 پايىز سايلاۋشىلاردىڭ داۋىسىن جينادى.
