تەننيس: رولان گارروس تۋرنيرىندە قازاقستاندىق تەننيسشى ءبىرىنشى اينالىمنان اسا المادى

استانا. قازاقپارات - پاريجدە ءوتىپ جاتقان رولان گارروس تۋرنيرىنىڭ ءبىرىنشى اينالىمىندا قازاقستاندىق ميحايل كۋكۋشكين فرانسيالىق ادريان ماننارينومەن كۇش سىناستى.

تىكەلەي سپورتتىق كورسەتىلىم ارقىلى ءمالىم بولعانىنداي، ءبىرىنشى پارتيادا 6:4 ەسەبىمەن فرانسيالىق تەننيسشى باسىم تۇسسە، ەكىنشىسىندە م. كۋكۋشكين (6:2) تارازى باسىن تەڭەستىردى. الايدا ءۇشىنشى پارتيادا ءدال وسىنداي ەسەپپەن (6:2) ا. ماننارينو ەسە قايىردى. ءتورتىنشى پارتيادا ەسەپ 3:3 بولىپ تۇرعان كەزدە قازاقستاندىق تەننيسشى ءوز گەيمىن بەرىپ قويدى. دەگەنمەن قايتا برەيك جاساپ، ەسەپتى تەڭەستىردى. ايتسە دە ءوزى دوپ بەرگەن ساتتە مۇمكىندىگىن پايدالانا المادى. بۇل شەشۋشى سەتتە ا. ماننارينو 6:4 ەسەبىمەن جەڭىسكە جەتتى.

ءسويتىپ الەمدىك رەيتينگتە 83- ورىندا كەلە جاتقان م. كۋكۋشكين وزىنەن ون ساتىداي جوعارى تۇرعان تەننيسشىدەن ايلاسىن اسىرا المادى. ول رولان گارروس تۋرنيرىنە ەرلەر اراسىندا قازاقستاننان قاتىسقان جالعىز- اق ويىنشى بولاتىن.

اۆتور: ەلجان ەرالى