ق ر قورعانىس ءمينيسترى جاڭا اۆياتسيالىق- تەحنيكالىق ورتالىقتا بولدى - فوتو
«اۆياورتالىق اۆياتسيالىق تەحنيكاعا قىزمەت كورسەتۋ بويىنشا جوعارى تەحنولوگيالىق ءوندىرىس بازاسىن قالىپتاستىرۋعا باعىتتالعان. مۇندا اسكەري ماقساتتاعى ۇشقىشسىز ۇشۋ اپپاراتتارىنىڭ ءوندىرىسى مەن شىعارىلۋى رەتكە كەلتىرىلەدى، قازاقستان اسكەري-اۋە كۇشتەرى تەحنيكاسىنىڭ سەرۆيستىك قىزمەت كورسەتىلۋى مەن جوندەلۋى جۇرگىزىلەدى.
ورتالىق پايدالانۋعا بەرىلگەننەن باستاپ س ۋ-30 جويعىشتارى مەن س-295، ا ن-26 جانە ان-72 اسكەري- كولىكتىك ۇشاقتارىن ولارعا قىزمەت كورسەتۋ ءۇشىن ۇشۋ اپپاراتتارىن جاساۋ كاسىپورىندارىنا جونەلتۋ قاجەتتىلىگى جويىلادى»، دەلىنگەن ق ر قورعانىس مينيسترلىگى باسپا ءسوز قىزمەتىنىڭ حابارلاماسىندا.
ءتيىستى دايىندىقتان قازاقستاندىق تەحنيكالىق پەرسونال ۇشاقتاردىڭ بۇكىل قىزمەت كورسەتۋ تسيكلى ىشىندە ۇشۋ كۋرسىن قامتاماسىز ەتەدى. اۆياتسيالىق ورتالىقتىڭ قۇرىلىسىنىڭ جالپى اۋدانى 62660 شارشى مەتردى قۇرايدى. بۇگىندە بۇل ق ر قارۋلى كۇشتەرى مەن الەۋەتتى قۇرىلىمداردىڭ مۇددەسىندە مۇمكىندىكتەردى ىسكە اسىرىپ قانا قويماي، سونىمەن بىرگە حالىقارالىق دەڭگەيگە شىعۋعا مۇمكىندىك بەرەتىن بىردەن-ءبىر ورتالىق.
بولاشاقتا ورتالىق اۋە كەمەلەرىنە تەحنيكالىق قىزمەت كورسەتۋدى اناعۇرلىم كەڭىنەن قامتۋدى جوسپارلاپ وتىر. ورتالىقتا جۇمىس جاساۋ ءۇشىن وزدەرىنىڭ كادرلارىن دايىنداۋعا ۇلكەن كوڭىل بولىنۋدە. ول ءۇشىن ءبىر توپ مامان يسپانياداعى «Airbus Millitary» وقۋ- جاتتىعۋ ورتالىعىندا، ەكىنشى توپ ۋكرايناداعى «انتونوۆ» مەملەكەتتىك كاسپورنىندا، ال 3-توپ تەحنيكالىق قىزمەت كورسەتۋ جانە جوندەۋ بويىنشا تاجىريبە جيناقتاۋ ءۇشىن يزرايلدە وقۋدان ءوتتى.
