قازاقستاندا قانات سەكىلدى سپورتشىلار قازاق بوكسىن الەمگە تانىتۋدا - مينيستر ا. مۇحامەدي ۇلى
بۇل تۋرالى 2015 -جىلعى اتقارىلعان جۇمىستاردى قورتىندىلاۋعا ارنالعان ەسەپ بەرۋ بارىسىندا ارىستانبەك مۇحامەدي ۇلى اتاپ ءوتتى.
«جاقىندا عانا ءوزىنىڭ كەزەكتى جەڭىسىنە قول جەتكىزىپ، كاسىپقوي بوكستاعى ايتۋلى تابىسىنا قول جەتكىزگەن قانات يسلام ءبىزدىڭ ماقتانىشىمىز. وسىنداي بوكسشىلارىمىز ەلىمىزدىڭ اتىن تانىتىپ، قازاقتىڭ بوكس مەكتەبىنىڭ دەڭگەيىن كوتەرىپ ءجۇر. سونىمەن قاتار، بەيبىت شۇمەنوۆ تە جاقىندا ءوزىنىڭ كەزەكتى جەڭىسىنە قول جەتكىزدى»، - دەدى مينيستر.
ەسەپ بەرۋ بارىسىندا مينيستر تانىمال سپورتشىلارعا قولداۋ كورسەتىپ جۇرگەن ازاماتتارعا دا توقتالدى.
«وسىنداي سپورتشىلارىمىزدىڭ تابىستى بولۋىنا بىزدەن بولەك جەكە كاسىپكەرلەر كومەكتەسىپ وتىر. سولاردىڭ ءبىرى - باۋىرجان وسپانوۆ. وسىنداي ازاماتتاردىڭ قامقورلىعىمەن سپورت كەشەندەرى سالىنىپ، تالانتتى بالالار ءوسىپ كەلەدى. مۇنىڭ بارلىعى قانات يسلام سەكىلدى مىقتى سپورتشىلاردىڭ ءوسىپ شىعۋىنا ىقپال ەتەدى» - دەدى ا. مۇحامەدي ۇلى.
