ىلە- الاتاۋ ۇلتتىق ساياباعىندا كاسىبي فوتو جانە بەينەتۇسىرىلىمدەر جاساۋ اقىلى تۇردە جۇزەگە اسىرىلادى - م. اينابەكوۆ
ايتا كەتەلىك، بۇعان دەيىن الەۋمەتتىك جەلىلەردە ۇلكەن الماتى كولىندە تىيىم سالىنعان قىزمەتتەردىڭ ءتىزىمى ىلىنگەن تاقتانىڭ فوتوسۋرەتى پايدا بولعان ەدى. وندا اۋەسقوي جانە كاسىبي فوتو جانە بەينەتۇسىرىلىمدەر جاساۋعا دا بولمايتىندىعى كورسەتىلگەن بولاتىن.
ءوز سوزىندە ىلە-الاتاۋ ۇلتتىق ساياباعىنىڭ باس ديرەكتورى مارلەن اينابەكوۆ اۋەسقويلىق سيپاتتاعى فوتو جانە بەينەتۇسىرىلىمدەرگە تىيىم سالىنباعاندىعىن اتاپ كورسەتتى.
«تۋريستەرگە سۋرەتكە تۇسە بەرۋلەرىنە بولادى. ءبىراق، كاسىبي تۇردە فوتو جانە بەينەتۇسىرىلىم جاساۋعا تەك ارنايى كەلىسىم نەگىزىندە عانا رۇقسات بەرىلەدى. ەگەر فيلم نەمەسە كليپ تۇسىرگىڭىز كەلسە، وندا ارنايى تاريف بويىنشا تولەم جاساۋ كەرەك بولادى. مۇنداي تالاپ، بۇرىن دا بولعان، ىلە-الاتاۋ ۇلتتىق ساياباعىنىڭ الەۋمەتتىك جەلىلەردەگى پاراقشاسىندا دا بار. ءبىز بيىل ساياباقتا جاڭارتۋ جۇمىستارىن جۇرگىزدىك. سولاردىڭ ىشىندە تاقتالارداعى اقپاراتتى ازداپ وزگەرتتىك. قوسىمشا، ساياباققا كەلۋ ەرەجەسىن ىلدىك»، - دەدى م. اينابەكوۆ.
اۆتور: ايبوتا جاپپاربەرگەن
