جاپوندىقتاردىڭ جاسارتۋشى ماسكاسى
«جاپون ايەلدەرىنىڭ ورتا جاستان اسسا دا، سىنى كەتپەيتىن سۇلۋلىعىنىڭ سىرى نەدە؟» دەگەن سۇراق ءسىزدى دە ويلاندىرعان شىعار... ەندەشە، ونىڭ جاۋابىمەن تانىسىڭىز. تومەندەگى ماسكانى اپتاسىنا ءبىر رەت جاساپ، سىمباتىڭىزدى ارتتىرىپ، الدەقايدا جاسارا ءتۇسىڭىز.
گەيشالار شاشىن جىبەكتەي جۇمسارتۋ ءۇشىن كۇرىشتى قولدانعان. ياعني شاشىن كۇرىش سۋىمەن شايعان. سونىمەن قاتار بەت تەرىسىنىڭ كۇتىمى ءۇشىن دە كۇرىشتىڭ كومەگىنە جۇگىنگەن. كۇرىش ۇنى سالىنعان شاعىن قاپتى ىستىق سۋعا سالىپ الىپ، استىنا ىدىس قويىپ، سۋىن سورعىتىپ ءىلىپ قويعان. كۇرىش سالىنعان قاپتان اققان سول سۋمەن بەتتەرىن جۋعان. كۇرىش سۋى بەت تەرىسىن ۋلتراكۇلگىن ساۋلەدەن قورعاپ، ءاجىمنىڭ الدىن الادى جانە تەرىنى نارلەندىرەدى. سوندىقتان دا كۇرىشتەن جاسالعان ماسكالار بەت تەرىسى ءۇشىن وتە ماڭىزدى. ول تەرىنى سالبىراپ قالۋدان قورعاپ، تارتىپ تۇرادى.
بەت تەرىسىنە ارنالعان ماسكا:
3 اس قاسىق كۇرىش ۇنى
2 شاي قاسىق بال
1 شاي قاسىق قايماق
بارلىعىن جاقسىلاپ ارالاستىرىپ، بەتىڭىزگە جاعىڭىز. 30 مينۋتتان كەيىن سۋمەن جۋىپ تاستاڭىز. مينەرالدى سۋمەن جۋعان دۇرىس.
بۇل ماسكانى بارلىق بەت تەرىسىنە قولدانۋعا بولادى.
anabol.kz
