الماتى وبلىسىندا جول اپاتىنان جەتى ادام قازا تاپتى

تالدىقورعان. قازاقپارات - بۇگىن الماتى وبلىسى جامبىل اۋدانى اقتەرەك اۋىلىنىڭ ماڭىندا، الماتى- بىشكەك تاس جولىنىڭ 109- شاقىرىمىندا ءىرى كولىك اپاتى بولدى.

«فورد فوكۋس» پەن «حوندا ەليسون» كولىكتەرى سوقتىعىسىپ، وقيعا ورنىندا 5 ادام اجال قۇشتى، تاعى ەكەۋى اۋرۋحانادا كوز جۇمدى.

«45 جاستاعى «حوندا» جۇرگىزۋشىسى جانە ونىڭ 36 جاستاعى جولاۋشىسى ۇزىناعاش اۋىلىنىڭ اۋرۋحاناسىندا جاتىر. الدىن الا بولجام بويىنشا، «فورد» جۇرگىزۋشىسى كولىكتى باسقارا الماي، قارسى جولاققا شىعىپ كەتىپ، «حونداعا سوعىلعان» - دەپ حابارلادى ءى ءى د باسپا ءسوز قىزمەتىنەن.

اپات ورنىندا جامبىل ا ءى ءى ب جەدەل تەرگەۋ توبى مەن وبلىستىق جول- پاترۋل پوليتسياسىنىڭ قىزمەتكەرلەرى جۇمىس ىستەۋدە.