13:39, 23 - مامىر 2016 | GMT +5
قىرعىزستان پرەزيدەنتى ەلىنىڭ قارۋلى كۇشتەرى مەن اسكەرلەرىنىڭ جاۋىنگەرلىك قابىلەتى كۇشەيتىپ جاتىر
استانا. قازاقپارات - قىرعىزستان پرەزيدەنتى المازبەك اتامبايەۆ قارۋلى كۇشتەر باس شتابىنىڭ باستىعى رايىمبەردى دۇيشەنبيەۆتى قابىلدادى دەپ جازادى centralasian.org.
اتامبايەۆقا قىرعىزستاننىڭ قارۋلى كۇشتەرىن كۇشەيتۋ مەن اسكەردىڭ جاۋىنگەرلىك قابىلەتى تۋرالى باياندالدى.
مەملەكەت باسشىسى باس شتابتىڭ ءالى كۇنگە دەيىن جاڭا زامان تالابىنا ساي قارۋلى كۇشتەر قۇرىلىمىن جاساقتاۋ ءىسىن اياقتاماعانىن سىنعا الدى. اتامبايەۆ ەلدىڭ شەپتەرى مەن مەملەكەتتىڭ قورعانىس قابىلەتىن ودان ءارى كۇشەيتۋ قاجەت دەپ سانايدى.
پرەزيدەنت اسكەري باسشىلىققا اسكەري ءتارتىپتى جاقسارتۋ مەن اسكەري ءبولىم مەن بولىمشەلەر كومانديرلەرىنىڭ اسكەري قىزمەتىشىنىڭ ءومىرى مەن دەنساۋلىعى ءۇشىن جاۋاپكەرشىلىگىن كۇشەيتۋ بويىنشا شارا قولدانۋدى تاپسىردى.
مەملەكەت باسشىسى قىرعىزستان قارۋلى كۇشتەرى باس شتابىنىڭ جاڭا باستىعىمەن ءبىرىنشى رەت كەزدەستى. دۇيشەنبيەۆ بۇل قىزمەتكە بيىلعى جىلدىڭ مامىرىندا تاعايىندالدى.
