يراندا ايەلدەرگە حيدجابسىز سۋرەتكە تۇسۋگە قاتاڭ تىيىم سالىندى

استانا. قازاقپارات -  يران بيلىگى حيدجابسىز سۋرەتكە تۇسكەن بيكەشتەردىڭ سۋرەتتەرىن الەۋمەتتىك جەلىلەرگە جاريالادى دەپ سەگىز ادامدى كۇدىكتى رەتىندە تۇتقىندادى.

يراندا ايەلدەرگە حيدجابسىز سۋرەتكە تۇسۋگە قاتاڭ تىيىم سالىندى. بۇل تۋرالى ورتالىق ازيا جاڭالىقتارى حابارلايدى.

مەملەكەتتىك تەلەارنانىڭ حابارلاۋىنشا، Instagram جەلىسىن پايدالانعان 170 ادام انىقتالعان. ولاردىڭ ىشىندە 58 مودەل، 51 كيىم ديزاينەرى، 59 فوتوگراف جانە ۆيزاجيست يراننىڭ ءداستۇرىن بۇزباق بولدى دەپ ايىپتالۋدا. 

 29 ادامعا قارسى قىلمىستىق ءىس قوزعالعان. پوليتسيا ولاردى نەگىزگى مەنەدجەرلەر ءارى جەلىگە قاتىسۋشىلار دەپ وتىر. رەپورتاجدا ءبىر ايەلدىڭ اقشا ءۇشىن حيدجابسىز سۋرەتكە ءتۇسىپ، جەلىگە جاريالاعانىن مويىنداعانىن كورسەتكەن. وعان ازىرگە قانداي ايىپ تاعىلعانى بەلگىسىز. 

 يراننىڭ مەملەكەتتىك تەلەارناسى الدىن دا قىسىممەن مويىنداتقان حابارلاردى بىرنەشە رەت كورسەتكەن. وتكەن اپتادا يراننىڭ جوعارعى ليدەرى اياتوللا الي حامەنەي ينتەرنەت  «كۇرەس الاڭى»، وندا ءدىني قىزمەتكەرلەر مەن ستۋدەنتتەر «قاتە يدەيالارمەن كۇرەسۋ كەرەك» دەپ مالىمدەگەن.
 Nur.kz