13:06, 23 - مامىر 2016 | GMT +5
ايقىن تولەپبەرگەن قىزىنا ءوز ءانىنىڭ اتىن بەردى
استانا. قازاقپارات - ءانشى ايقىن تولەپبەرگەن جاقىندا قىزدى بولدى. بۇل تۋرالى gakku.kz حابارلايدى.
SuperStar. KZ جوباسى ارقىلى تانىلعان ءانشى ءالى كۇنگە دەيىن اكە اتانعانىن سەزىنە الماي جۇرگەنىن ايتتى. وعان سەبەپ - گاسترولدىك ساپاردا ءجۇرۋى.
«مۇمكىن ازىرگە ءتۇسىنىپ جاتقان جوق شىعارمىن. سەبەبى، ءوزىم گاسترولدىك ساپاردا ءجۇرمىن. ول قىزىمدى ءبىر 15-20 مينۋتتاي عانا كوردىم دەسەم دە بولادى»، - دەيدى ايقىن.
العاشىندا قىزىنا ات تاڭداۋ ءۇشىن وقىرماندارىنان كومەك سۇراعان ايقىن جارى اسەلمەن اقىلداسا كەلە، قىزىنا اسىلىم دەگەن ەسىم بەردى. ايتا كەتەيىك، ايقىن شىرقايتىن اندەردىڭ ءبىرى «اسىلىم» دەپ اتالادى.
