الماتىدا قىتايدان كەلگەن قانداستارىمىز «ەر جانىبەك كۋبوگى» باسەكەسىنىڭ باس جۇلدەسىن جەڭىپ الدى
شاعىن فۋتبولدان وتكەن حالىقارالىق تۋرنيردىڭ باستى ماقساتى - ەل تاۋەلسىزدىگىنىڭ 25 جىلدىق مەرەيتويىن حالىقارالىق دەڭگەيدە اتاپ ءوتۋ، قازاق جاستارىن رۋحتى بولۋعا، وتان سۇيگىشتىككە، سپورتقا باۋلۋ. فۋتبول جارىسىنا فرانسيا، تۇركيا، رەسەي، قىتاي، موڭعوليا، وزبەكستان، قىرعىزستان ەلدەرىندە تۇراتىن قازاق جاستارىنان قۇرالعان كوماندالار، سونداي-اق، الماتى، استانا قالالارىنان، ەلىمىزدىڭ 5 وبلىسىنان جاساقتالعان فۋتبول كوماندالارى ب ا ق سىنادى. تۋرنيردە جالپى سانى 21 كوماندا ونەر كورسەتتى .
بۇل سايىسقا قىتايداعى قانداستارىمىزدان ۇرىمجىدەن «تۇلپار»، شاۋەشەكتەن «باسباي»، التايدان «ءۇش تاس»، جەمەنەيدەن «مۇزتاۋ»، قۇلجادان «كوكقامىر» جالپى 5 كوماندا كەلدى. «مۇزتاۋ» كومانداسى باس جۇلدەنى ەنشىلەپ قايتتى. ەكىنشى ورىندى الماتىلىق «بىرلىك كەرۋەن» كومانداسى يەلەندى. ال ۇزدىك ۇشتىكتى رەسەيدەن كەلگەن قانداستارىمىزدىڭ «نامىس» كومانداسى جەڭىپ الدى.
ال استانادان ارنايى جاساقتالىپ بارعان «استانا ارلاندارى» كومانداسى 5-ورىندى يەلەندى.
ەستەرىڭىزگە سالا كەتەيىك، جارىس «ەر جانىبەك» حالىقارالىق قوعامدىق قورىنىڭ ۇيىمداستىرۋىمەن ءوتتى.
كۇنسۇلتان وتارباي
