الەمدە شايدى ەڭ كوپ ىشەتىن ەل - وزبەكستان
بۇل تۋرالى egemen.kz گازەتى حابارلادى.
وزبەكستان تۇرعىندارىنىڭ باسىم بولىگى شاي ىشكەندى قالايدى ەكەن. زەرتتەۋ بۇل ەل تۇرعىندارىنىڭ 99,6 پايىزىنىڭ شايسىز جۇرە المايتىنىن كورسەتتى. ال گۆاتەمالا تۇرعىندارىنىڭ 99,6 پايىزى كەرىسىنشە كوفەنى قالايتىن بولىپ شىقتى، دەپ جازادى The Independent گازەتى.
الەمدىك زەرتتەۋ ۇيىمى مۇنى جەر جۇزىندە «ءسىز شايدى قالايسىز با، كوفەنى ءجون سانايسىز با؟» دەگەن ساۋالناما جۇرگىزۋ ارقىلى انىقتاعان.
ايتالىق، شاي ىشكىشتەردىڭ ءتىزىمىن وزبەكستان باستاسا، ودان كەيىنگى ورىندا - كەنيا (%99,2)، ازەربايجان (99,1)، پاكىستان (99)، قىتاي (98,9) جانە مىسىر (98,5) ەلدەرى. ال كوفە ىشكىشتەردىڭ كوشىندە گۆاتەمالادان كەيىن دومينيكان رەسپۋبليكاسى (%99) ، برازيليا، ەكۆادور (97,4) ، گرەكيا (96,8) تۇر.
قازاقستان بۇل ەكى تىزىمدە جوق. بىزگە قاراعاندا، ۇلى بريتانيا مەن رەسەيدەگى كورسەتكىش جوعارى. بۇلاردىڭ الدىڭعىسىندا شايقۇمارلار 78,4 پايىز بولسا، كەلەسىسىندە 77,5 پايىز.
