سيتسيليادا ەۋروپاداعى ەڭ ءىرى جانارتاۋ وياندى

استانا. قازاقپارات - يتاليانىڭ سيتسيليا ارالىندا ەتنا جانارتاۋى وياندى. بۇل تۋرالى جەرگىلىكتى ب ا ق- قا سىلتەمە جاساپ 24- ارنا حابارلايدى.

جانارتاۋ بىرنەشە ساعات بويى اتقىلاعان. قازىرگى ۋاقىتتا سيتسيليا تۇرعىندارىنا قاۋىپ ءتونىپ تۇرعان جوق. YouTube جەلىسىندە بۇل تابيعي قۇبىلىستىڭ كادرلارى جاريالاندى.

جانارتاۋ سوڭعى رەت 2015-جىلدىڭ قاراشا-جەلتوقسانىندا اتقىلاعان ەدى. وتكەن جىلدىڭ 3-جەلتوقسانىنداعى اتقىلاۋ ەتنا جانارتاۋى ءۇشىن سوڭعى 10 جىلدىقتاعى ەڭ كۇشتىسى بولدى.

ەتنا - ەۋروپاداعى ەڭ بيىك جانارتاۋ. ونىڭ بيىكتىگى تەڭىز دەڭگەيىنەن 3323 مەتردى قۇرايدى.