باراك وباما ا ق ش زاڭدارىنداعى زاڭگى سوزىنەن تازارتتى

استانا. قازاقپارات - ا ق ش پرەزيدەنتى باراك وباما فەدەرالدىق زاڭنامادا «از ۇلتتارعا ءتىل تيگىزەتىن سوزدەردى»، اتاپ وتكەندە، «شىعىستىق»، «زاڭگى (نەگر)»، «يسپان ءتىلدى» جانە تاعى باسقا سوزدەردى جوياتىن زاڭعا قول قويدى دەپ حابارلادى «ABC News».

بۇل ا ق ش- تىڭ دەنساۋلىق ساقتاۋ مينيسترلىگى مەن الەۋمەتتىك قىزمەت قۇجاتتارىندا كەزدەسكەن ساياسي قاتەلىكتەن تۋىنداعان زاڭ ماتىندەرىندەگى سوزدەردەن ارىلۋ ءۇشىن قابىلدانىپ وتىر.

- «شىعىستىق» تۇسىنىگىنە فەدەرالدىق زاڭنامادا ورىن جوق، بۇل كەمسىتۋشىلىك باعىتىنداعى اتاۋ اقىرى تاريحقا كەتەتىنى جاقسى بولدى، - دەدى زاڭ جوباسى اۆتورلارىنىڭ ءبىرى.

اقپاندا زاڭ جوباسىن ا ق ش كاسىپكەرلەر پالاتاسى ماقۇلداعان بولاتىن 10- مامىر كۇنى وعان سەنات ءبىراۋىزدان داۋىس بەردى. پرەزيدەنت قول قويعان ساتتەن باستاپ اكتى زاڭدىق كۇشىنە ەنەدى.