15:55, 22 - مامىر 2016 | GMT +6
اۆستراليا مەن نيدەرلاندى الپينيستەرى ەۆەرەستتەن ءتۇسىپ كەلە جاتقاندا مەرت بولدى
استانا. قازاقپارات - گوللانديالىق ەريك ارنولد پەن اۆستراليا ازاماتشاسى ماريا ستريدوم ەۆەرەستتەن ءتۇسىپ كەلە جاتقاندا قازا تاپتى.
بولجام بويىنشا، الپينيستەر گيپوكسيا - تاۋدا شالدىعاتىن دەرتتەن كوز جۇمدى، دەپ جازادى BBC اگەنتتىگى.
35 جاستاعى ارنولد ەۆەرەست شىڭىن وسى 5- ارەكەتىندە باعىندىرعان بولاتىن. قايتار جولدا ول بويىنداعى السىزدىككە شاعىمدانعان.
كوپ ۇزاماي الپينيستەردىڭ سول توبىنا كىرگەن 34 جاستاعى ماريا ستريدوم دا كوز جۇمدى. ونىڭ بويىنان دا تاۋ دەرتىنىڭ بەلگىلەرى انىقتالدى.
بۇل - ەۆەرەستتەگى بيىل تىركەلگەن ءبىرىنشى وقيعا.
1953-جىلى ەۆەرەست شىڭىنا كوتەرىلۋ بويىنشا جاسالعان العاشقى قادامنان بەرى ونىڭ شاتقالدارىندا 200 دەن استام ادام كوز جۇمدى.
