جامبىل وبلىسىنىڭ اكىمى ايماقتاعى مادەنيەت جانە ونەر قىزمەتكەرلەرىن ماراپاتتادى
«سىزدەردى مەرەكەلەرىڭىزبەن شىن جۇرەكتەن قۇتتىقتايمىن! سىزدەر، ءوز ونەرلەرىڭىزبەن ەلدىڭ رۋحىن كوتەرىپ، ادامزات بالاسىنا شەكسىز قۋانىش، زور ماقتانىش سىيلايسىزدار، حالقىمىزدىڭ مادەني تالعامى مەن تانىمىن قالىپتاستىرىپ، ەلىمىزدىڭ الەۋمەتتىك - رۋحاني قۇندىلىقتارىن الەمگە پاش ەتەسىزدەر»، - دەدى ك. كوكىرەكبايەۆ كەزدەسۋ بارىسىندا.
ءىس-شاراعا وبلىس اكىمىنىڭ ورىنباسارى، اپپارات باسشىسىنىڭ مىندەتىن اتقارۋشى، مادەنيەت، ارحيۆتەر جانە قۇجاتتاما باسقارماسىنىڭ باسشىلارى جانە وسى باسقارماعا قاراستى مەكەمە باسشىلارى، بۇقارالىق اقپارات قۇرالدارىنىڭ وكىلدەرى قاتىستى.
كەزدەسۋ بارىسىندا انشىلەر، ارتىستەر جانە مادەنيەت قىزمەتكەرلەرى مادەنيەت پەن ونەردى دامىتۋعا قوسقان ۇلەسى ءۇشىن وبلىس اكىمىنىڭ العىس حاتتارىمەن جانە باعالى سىيلىقتارمەن ماراپاتتالدى.
«ونەرىمىزدىڭ وركەندەۋىنە قىزمەت ەتىپ، حالقىمىزدى شىعارماشىلىق تابىستارىڭىزبەن قۋانتا بەرىڭىزدەر، بارشاڭىزعا زور دەنساۋلىق، شابىت، باقىت، وتباسىلارىڭىزعا ب ا ق- بەرەكە تىلەيمىن»، - دەپ ايماق باسشىسى مادەنيەت جانە ونەر قىزمەتكەرلەرىن قۇتتىقتادى.
