سەلينوگراد اۋدانىندا قۋاتتى كۇن ەلەكتر ستانساسىنىڭ العاشقى ىرگەتاسى قالاندى - اقمولا وبلىسى
بۇل تۋرالى وبلىس اكىمىنىڭ باسپا ءسوز قىزمەتىنەن حابارلادى.
قۋاتى جىلىنا 288000 مۆت جانە تاۋلىگىنە 100مۆت ەلەكتر قۋاتىن وندىرەتىن «كۇن ەلەكتر ستانساسىنىڭ قۇرىلىسى» جوباسىن قابانباي باتىر اۋىلى اۋماعىندا «KB ENTERPRISES» ج ش س قولعا الىپ وتىر.
اۋدانعا جۇمىس ساپارىمەن بارعان ايماق باسشىسى اتالعان كۇن ساۋلەسىنەن قۋات الاتىن ەلەكتر ستانتسياسىنىڭ العاشقى تاسىنىڭ قالانۋ راسىمىنە قاتىستى.
جاڭا جوبا - شىن مانىندە اتاپ ايتۋعا تۇرارلىق ايرىقشا قۇندى باستاما. جوبا قۇنى - 150 ميلليون ەۆرو. 100 پايىز قازاقستاندىق كومپانيا بولىپ ەسەپتەلەتىن ۇجىم وسى اۋداندا تىركەلگەن.
ينۆەستيتسيانىڭ 70 پايىزدىق ۇلەسى ءوز ەلىمىزدىكى. ال، 30 پايىزدىق ۇلەسىنە تۇركيا، گەرمانيا جانە نيدەرلاندى مەملەكەتتەرىنىڭ شەتەلدىك كومپانيالارى ەنىپ وتىر.
جوبا 2017-جىلدىڭ ءتورتىنشى توقسانىندا پايدالانۋعا بەرىلەدى.
مەملەكەتتىك قولداۋ كورسەتىلىپ، قۇرىلىسقا قاجەتتى 300 گەكتار جەر تەلىمى بەرىلدى. وعان 31746 كۇن پانەلدەرى ورناتىلاتىن بولادى.
ستانتسياعا گەرمانيا مەن نيدەرلاندىنىڭ وسى زامانعى وزىق ۇلگىدەگى قۇرال-جابدىقتارى قويىلادى. نىسان تولىق قۋاتىندا جۇمىس ىستەي باستاعان كەزدە تۇراقتى 70 جۇمىس ورنى بولادى.
اۆتور: اسلان وسپانوۆ
