تۇركيا پرەمەرى احمەت ءداۋىتوعلى وتستاۆكاعا كەتتى

استانا. قازاقپارات - تۇركيا پرەمەرى احمەت ءداۋىتوعلى وتستاۆكاعا كەتتى.

تۇركيا پرەزيدەنتى رەدجەپ تايىپ ەردوعان احمەت ءداۋىتوعلىنىڭ وتستۆاكاسىن قابىلدادى.

ر ي ا نوۆوستي حابارلاعانداي، ەردوعان ءداۋىتوعلىدان جاڭا ۇكىمەت جاساقتالعانعا دەيىن قىزمەتىن اتقارۋدى سۇراعان.

وسىعان دەيىن بيلىكتەگى ادىلەت جانە دامۋ پارتيا كەزەكتەن تىس سەزدە ءوزىنىڭ جاڭا ءتوراعاسىن سايلاعان بولاتىن. ول ورىنعا تۇركيا كولىك، كەمە شارۋاشىلىعى جانە كوممۋنيكاتسيا ءمينيسترى بينالي يىلدىرىم كەلدى. تۇركيادا بيلەۋشى پارتيانىڭ باسشىسى مىندەتتى تۇردە ەلدىڭ ۇكىمەتىن باسقارادى. ەندى ەردوعان يىلدىرىمعا جاڭا ۇكىمەت قۇرۋدى تاپسىرادى دەپ كۇتىلۋدە.

ءداۋىتوعلى پارتيا باسشىسى قىزمەتىنە ءوز كانديداتۋراسىن ۇسىنۋدان باس تارتقان بولاتىن.