09:06, 22 - مامىر 2016 | GMT +5
مەسۋت ءوزىل بوسقىن بالالارمەن فۋتبول وينادى - كەسكىن
استانا. قازاقپارات - بەلگىلى نەمىس فۋتبولشىسى ارسەنال» اعىلشىن كلۋبىنىڭ ءارى گەرمانيا ۇلتتىق قۇراماسىنىڭ ويىنشىسى مەسۋت ءوزىل يوردانيا لاگەرىندەگى سيريالىق بالالارمەن فۋتبول وينادى.
ايتا كەتسەك، قازىرگى ۋاقىتتا لاگەردە 80 مىڭنان اسا بوسقىن تۇرادى، دەپ جازادى E-ISLAМ.
«ارسەنال» جۇلدىزىن يوردان فۋتبول اسسوتسياتسياسىنىڭ پرەزيدەنتى ءالي بين ءال-حۋسەين ارنايى شاقىرتتى. مەسۋت يوردانيانىڭ سولتۇستىگىندەگى بوسقىندار لاگەرىندەگى ءتۇرلى سپورتتىق شارالار اياسىنداعى ازيالىق فۋتبولدى دامىتۋ جوباسىنا كەلىپ وتىر.
قىزىقتى فۋتبول ويىنىنان سوڭ سيريالىق جەتكىنشەكتەر تانىمال ويىنشىدان العان تاجىريبەلەرىن ءبولىستى.
«مەن ەكى ءادىستى ۇيرەنىپ الدىم جانە مۇنداي فۋتبول جۇلدىزىمەن ءبىرىنشى رەت بىرگە وينادىم. مەن دە فۋتبول جۇلدىزى بولعىم كەلەدى»، - دەيدى سيريالىق ءابدۋل راۋف حالەد ەسىمدى بالا.
«فۋتبول - مەنىڭ حوببيىم. مەن ونى جاقسى كورەم. كۇشتى ويىنشى بولعىم كەلەدى. فۋتبول جاتتىقتىرۋشىلارىنا العىس ايتامىن»، - دەيدى دارا قالاسىنان كەلگەن جەتكىنشەك.
