حايۋاناتتار باعىنىڭ قىزمەتكەرلەرى جانكەشتىنى قۇتقارۋ ءۇشىن ەكى ارىستاندى اتىپ تاستادى

استانا. قازاقپارات - چيلي استاناسى سانتياگو قالاسىنداعى حايۋاناتتار باعىندا ەكى ارىستاندى جىرتقىشتار جاتقان قورشاۋعا ءوتىپ كەتكەن ەر ادام ءۇشىن اتىپ ءولتىردى.

بولجام بويىنشا، ارىستاندارعا جۇگىرگەن ادام ءوز ومىرىمەن قوشتاسپاق بولعان، دەپ جازادى BBC اگەنتتىگى.

وقيعا تۇستە، كەلۋشىلەر قاتارى كوبەيگەن ساتتە بولعان. ەر ادام ارقاننىڭ كومەگىمەن ارىستاندار جاتقان قورشاۋعا شىعىپ، كيىمدەرىن شەشە ارىستاندارعا جۇگىرگەن. جىرتىقشتار سول جەردەن ونى باس سالعان.

زووباق مەڭگەرۋشىسى الەحاندرا مونتالبانىڭ ايتۋىنشا، حايۋاناتتار باعىندا ءدال سول ساتتە جىرتقىشتاردى ۇيىقتاتاتىن وق-ءدارى بولماعان. سوندىقتان، قىزمەتكەرلەر ولاردى اتىپ تاستاۋعا ءماجبۇر بولدى.

«بۇل وقيعا ءبىزدىڭ قۇتىمىزدى قاشىرىپ وتىر. ويتكەنى، زووباقتاعى حايۋاناتتار ءبىزدىڭ وتباسى مۇشەمىز سەكىلدى. ولتىرىلگەن ارىستاندار مۇندا 20 جىلدان بەرى بار ەدى»، - دەدى الەحاندرا مونتالبا.

جاپا شەككەن ەر ادام اۋرۋحاناعا جەتكىزلدى. ونىڭ جاعدايى وتە اۋىر، دەپ باعالادى دارىگەرلەر. ەر ادامنىڭ قالتاسىنان وسيەتحات تابىلدى.