وسكەمەندە تۇركى جازبالارى مەن مادەنيەتى كۇندەرىنە ارنالعان شارالار ءوتتى
كونە تۇركىلىك ءالىپبي مەن تۇركى حالىقتارىنىڭ بۇگىنگى مادەنيەتىن ناسيحاتتاۋعا ارنالعان بۇل ءىس- شارادا ەجەلگى تۇركى جازۋىنىڭ كەشەگىسى مەن بۇگىنگىسى تالقىلانىپ، تۇركولوگياداعى قوردالانعان ماسەلەلەردىڭ شەشىمىن تابۋ جولدارى ىزدەستىرىلدى.
ءىس- شارا اياسىندا س. امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىنىڭ ءماجىلىس زالىندا «تۇركى جازبا مادەنيەتى: تاريحي تاعلىم جانە تاۋەلسىزدىك مۇراتتارى» اتتى رەسپۋبليكالىق عىلىمي- تەوريالىق كونفەرەنسيا وتكىزىلدى. كونفەرەنسياعا ق ر مادەنيەت جانە سپورت مينيسترلىگى تىلدەردى دامىتۋ جانە قوعامدىق- ساياسي جۇمىس كوميتەتىنىڭ وكىلدەرى، جەتەكشى تۇركولوگ- عالىمدار، ونەر جانە قوعام قايراتكەرلەرى مەن ب ا ق وكىلدەرى قاتىستى. كونفەرەنسيانى س. امانجولوۆ اتىنداعى ش م ق ۋ ستراتەگيالىق دامۋ جانە عىلىمي جۇمىس جونىندەگى پرورەكتور، پروفەسسور ب. ەردەمبەكوۆ قۇتتىقتاۋ سوزىمەن باستاپ، كونفەرەنسيانىڭ جۇمىسىنا ساتتىلىك تىلەدى.
كونفەرەنسياعا قاتىسۋشىلار تۇركى جازبالارىنا قاتىستى تۇسىرىلگەن بەينەسيۋجەتتى تاماشالاپ، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى، ف. ع. د. قارجاۋباي سارتقوجا ۇلىنىڭ «قادىم ۇيعىر گرافيكاسىمەن جازىلعان ءماتىن» اتتى بايانداماسىن قىزىعا تىڭدادى. ءىس- شارانىڭ ەكىنشى ءبولىمى شىعىس قازاقستان وبلىسىنىڭ ولكەتانۋ مۇراجايىنداعى لەكتوريگە ۇلاستى. مۇندا ءتول مۇرامىز بولىپ تابىلاتىن جازبا ەسكەرتكىشتەردىڭ گەوگرافيالىق، مازمۇندىق جانە داۋىرلىك مانىنە ارنالعان عىلىمي- تانىمدىق سيپاتتاعى ءدارىس وقىلدى. كونفەرەنسيانىڭ جابىلۋ ءراسىمى رەتىندە ۇسىنىلعان كونسەرتتىك باعدارلاما تۇركى حالىقتارىنىڭ ونەرى مەن مادەنيەتىنە ارنالدى.
