مينيستر داۋرەن ابايەۆ استانادا ءبىر توپ جۋرناليستىڭ ۇستالۋىنا قاتىستى پىكىر ءبىلدىردى
بۇگىن «بايتەرەك» مونۋمەنتى الاڭىندا ىشكى ىستەر ورگاندارىمەن ۇستالعان جۋرناليستەر توبىنا بايلانىستى توقتالعان مينيستر، تىلشىلەر تەز ارادا بوساتىلاتىنىن اتاپ ءوتتى.
«جاڭا كوميسسيا وتىرىسى بارىسىندا سىزدەردىڭ ارىپتەستەرىڭىز ۇستالعاندىعى تۋرالى حاباردار بولدىم، وسى رەتتە ق ر ىشكى ىستەر مينيسترىمەن (قالمۇحانبەت قاسىموۆ - اۆت.) بايلانىسقا شىقتىم. قازىرگى كەزدە بارشا جاعدايدى انىقتاۋ ءجۇرىپ جاتىر. ولاردى نە ءۇشىن ۇستاعاندىعىن تەكسەرەمىز. مينيستر مۇمكىندىگىنشە تىلشىلەردىڭ تەز ارادا بوساتىلاتىنىنا سەندىردى»، - دەدى د. ابايەۆ.
سونىمەن قاتار ول اقپارات جانە كوممۋنيكاتسيالار مينيسترلىگى جۋرناليستەردى قولدايتىنىن، جالپى، تىلشىلەردىڭ كاسىبي قىزمەتتەرىن اتقارۋداعى جۇمىستارىنا قولداۋ جاسالاتىنىن اتاپ ءوتتى.
سونىمەن قاتار د. ابايەۆ بۇگىنگىدەي جاعداي كەيىن قايتالانباس ءۇشىن قۇقىق قورعاۋ ورگاندارىمەن ءتيىستى جۇمىستار جۇرەتىنىن جەتكىزدى.
اۆتور: رۋسلان عابباسوۆ
