تۇركيانىڭ اسكەريلەرى «جاس ۇلان» مەكتەبىنىڭ تاربيە بەرۋ ۇدەرىسىمەن تانىستى - فوتو
دەپ حابارلايدى ق ر قورعانىس مينيسترلىگىنىڭ باسپا ءسوز قىزمەتى.
شەتەلدىك ارىپتەستەرىمىزدىڭ كەلۋىنىڭ نەگىزگى ماقساتى «جاس ۇلان» رەسپۋبليكالىق مەكتەبىندەگى وقۋ- تاربيە پروتسەسىمەن تانىسۋ، تاجىريبە الماسۋ جانە ءوزارا ىنتىماقتاستىق ماقساتىندا ءارى قارايعى بايلانىستى رەتكە كەلتىرۋ بولدى.
ساپار باراسىندا مەيماندارمەن بريفينگ وتكىزىلدى. اتالمىش بريفينگتە مەكتەپ، ءبىلىم وشاعىنىڭ تاريحى، مەكتەپ قابىرعاسىندا ىسكە اسىرىلىپ جاتقان ءبىلىم بەرۋ باعدارلامالارى، تاربيەلەنۋشىلەردىڭ كۇندەلىكتى تىنىس- تىرشىلىگى، سپورتتىق جانە مادەني ءومىرى جايلى فيلم كورسەتىلدى. ءسوز سويلەۋ كەزىندە تۇرىك دەلەگاتسياسىنىڭ باسشىسى ر. بيلگيچ تە فيلمنىڭ تۇساۋىن كەسىپ، كۋلەلي اسكەري ليتسەيىندەگى وقۋ- تاربيە ۇدەرىسىنىڭ ۇيىمداستىرىلۋى تۋرالى ايتىپ بەردى.
ودان باسقا، قوناقتار ءۇشىن مەكتەپتىڭ وقۋ- ماتەريالدىق بازاسىنا ەكسكۋرسيا جاسالىپ، سپورت زالى، باسسەين، مەكتەپ مۇراجايى، كىتاپحانا كورسەتىلدى. سونداي- اق قوناقتار اسكەري دايارلىق جانە جالپى ءبىلىم بەرۋ پاندەرى بويىنشا بىرنەشە ساباقتاردىڭ وتكىزىلۋىنە كۋا بولدى.
دەلەگاتسيا قۇرامىنا قازاقستان رەسپۋبليكاسىنداعى تۇرىك رەسپۋبليكاسى اسكەري اتتاشەسىنىڭ ورىنباسارى پودپولكوۆنيك سەزەن وزلەن، تۇرىك رەسپۋبليكاسى ق ك كۋلەلي اسكەري ليتسەيىن جوسپارلاۋ ءبولىمىنىڭ باستىعى پولكوۆنيك راۋف بيلگيچ، روتا كومانديرى كاپيتان فەرحات بايار، كۋرسانتتار سيەۆاحاتتين ەنەس ۋزۋن جانە ساليح ەگە كىردى. ساپار قورىتىندىسى بويىنشا تۇرىك رەسپۋبليكاسى قارۋلى كۇشتەرى كۋلەلي اسكەري ليتسەيىنىڭ دەلەگاتسياسى ءبىزدىڭ تاراپىمىزدان كورسەتىلگەن قابىلداۋعا، سونداي- اق جاستاردى وقىتۋ مەن تاربيە بەرۋ اياسىنداعى بىرلەسكەن ىنتىماقتاستىقتىڭ جالعاسۋىنا العىس ءبىلدىردى.
