قازاقستاننىڭ قاراپايىم حالقىنا ساتىلاتىن جەردىڭ باعاسى قىمباتتاۋ - ك. ساعاديەۆ

استانا. قازاقپارات - قازاقستاننىڭ قاراپايىم حالقىنا ساتىلاتىن جەردىڭ باعاسى قىمباتتاۋ.

بۇگىن ق ر پرەمەر-ءمينيسترىنىڭ ءبىرىنشى ورىنباسارى، جەر رەفورماسى بويىنشا رەسپۋبليكالىق كوميسسيا ءتوراعاسى باقىتجان ساعىنتايەۆتىڭ جەتەكشىلىگىمەن ءوتىپ جاتقان كوميسسيانىڭ ەكىنشى وتىرىسىندا اكادەميك كەنجەعالي ساعاديەۆ وسىلاي ءمالىم ەتتى.

«قازاقتىڭ جەرىن، ونىڭ ىشىندە اۋىل شارۋاشىلىعى جەرلەرىن دۇرىستاۋ كەرەك. وتكەن 25 جىل ىشىندە قازاقستاندا جاڭا، جاقسى اۋىل شارۋاشىلىعىنا نەگىزدەلگەن اۋىل بوي كوتەردى مە؟ جوق. ەسەسىنە بۇرىنعى كولحوز، سوۆحوز ورتالىقتارى ازىپ- توزىپ بارادى. كەيبىرەۋىندە ءتىپتى حالىق ونى تاستاپ كەتتى»، - دەدى كوميسسيا مۇشەسى ك. ساعاديەۆ.

ونىڭ ايتۋىنشا، جەردى قازاقستان ازاماتتارىنا ساتۋعا بولادى، الايدا قانداي نىسانعا نەگىزدەلسە دە باسقالارىنا ساتۋعا جول بەرىلمەۋى كەرەك.

«حالىققا دۇرىس ءتۇسىندىرۋ، دۇرىس ساراپتاما جاساۋ ءۇشىن ءبىز پايدالانۋعا بولاتىن جەردىڭ كولەمىن انىقتاۋعا ءتيىسپىز: وڭتۇستىكتە ازداۋ، سولتۇستىكتە كوپتەۋ بولاتىنى بەلگىلى عوي. دەگەنمەن، ناقتى سانىن شىعارۋ كەرەك. ەكىنشىدەن,2013 -جىلدان بەرى 1 ميلليون 300 مىڭ گەكتارعا جۋىق جەر عانا ساتىلدى، جالعا بەرىلدى. بۇل از. وسىنىڭ سەبەبى نە؟ مەنىڭ ويىمشا، بۇل اۋىلداعى ازاماتتارعا قىمبات. ونى قاراپايىم حالىقتىڭ قالتاسى كوتەرمەيدى. جەر كاداسترىن قاراۋ كەرەك. قىمباتتاۋ. نەگىزگى ماقساتىمىز ءوز ازاماتتارىمىزعا يەلىككە جەردى جۇمىس ىستەتۋگە جاعداي جاساۋ. وسىنى ناقتىلايىق، ازاماتتارعا جەڭىلدىكتەردى ويلايىق»، - دەدى ك. ساعاديەۆ.

سونداي-اق كوميسسيا مۇشەسى ءوز سوزىندە بۇعان دەيىن اۋىل شارۋاشىلىعىنىڭ كوپەراتيۆتەرى تۋرالى زاڭ قابىلدانعانىن، ول زاڭنىڭ جاقسى جاقتارى باسىم ەكەنىن اتاپ ءوتتى.

«25 جىلدىڭ ىشىندە جۇمىس ىستەپ كەلگەن ەلىمىزدىڭ فەرمەرلەر شارۋاشىلىعى قازاقستاندى بايىتىپ، ونىڭ دامۋىن ىلگەرىلەتۋگە ەش ۇلەس قوسقان جوق. سونىڭ سالدارىنان جەرىمىزدى ەندى سولار قۇنارلاندىرىپ، سولاردىڭ تابىس اكەلەتىنىنە ەشكىم سەنبەيدى. بىزگە قولايلىسى - شارۋاشىلىق ۇجىم. ول بارلىق جەرلەردە دە، بارلىق ەلدەردە دە بولعان»، - دەدى ك. ساعاديەۆ.

ونىڭ پىكىرىنشە، اۋىل شارۋاشىلىعىن ىرىلەندىرەتىن كوپەراتيۆتەرگە قادام باسۋ كەرەك.

«كوپەراتيۆتەرگە قۇرىلاتىن بولساق، فەرمەرلەرگە قازىرگى پايدالانىپ وتىرعان جەردەن دە كوپ جەر كەرەك. سوندا عانا ءبىز قازاقستانداعى جەر يەلەنۋشىلەردىڭ سانىن ارتتىرامىز. ارينە، ول ءۇشىن زاڭعا دا تولىقتىرۋ ەنگىزۋ كەرەك»، - دەدى ك. ساعاديەۆ.

اۆتور: قانات مامەتقازى ۇلى