قازاقستان اۋقىمدى جەرى بار، ءبىراق ونى ءتيىمدى پايدالانا الماي وتىرعان مەملەكەت - ك. ساعاديەۆ
بۇگىن ق ر پرەمەر-ءمينيسترىنىڭ ءبىرىنشى ورىنباسارى، جەر رەفورماسى بويىنشا رەسپۋبليكالىق كوميسسيا ءتوراعاسى باقىتجان ساعىنتايەۆتىڭ جەتەكشىلىگىمەن ءوتىپ جاتقان كوميسسيانىڭ ەكىنشى وتىرىسىندا اكادەميك كەنجەعالي ساعاديەۆ وسىلاي ءمالىم ەتتى.
«جەر حالىقتىڭ ءومىر سۇرەتىن ورتاسى، ەكىنشىدەن اۋىل شارۋاشىلىعىنىڭ نەگىزگى كاسىپ كوزى. سول كاسىبىنىڭ ارقاسىندا حالىق ءوز تۇرمىسىن دۇرىستاپ وتىر. وسى تۇرعىدان العاندا ءبىزدىڭ وسى كۇنگە دەيىن قازاقستانداعى جەردى پايدالانۋىمىز وتە تومەن، ناشار. مەنىڭ ەسەبىم بويىنشا، بىزگە جەردەن ج ءى ءو 15-17 پايىزىن الۋعا بولاتىن ەدى. الايدا، ءبىز بۇدان ءالى كۇنگە الاتىنىمىز ءتورت ەسەگە تومەن» - دەدى كوميسسيا مۇشەسى ك. ساعاديەۆ.
وسىعان بايلانىستى اكادەميك جەرگە قاتىستى ۇستانىمدى وزگەرتپەسە ودان كەلەر پايدا دا تومەندەي بەرەتىنىن العا تارتتى.
«سوندىقتان دا، مەن قازاقستان ازاماتتارىنىڭ مەنشىگىنە جەردى ساتۋدى قولدايمىن. ويتكەنى، بۇلاي بولعان جاعدايدا جەردىڭ ءبىر يەسى بولادى. ول جەردىڭ قۇنارلىعىن ساقتاۋعا، ودان تابىس الۋعا ىنتالى بولادى. ەكىنشىدەن، جەردى قازاقستان ازاماتتارىنا ساتۋ - جەر يەسى ءۇشىن دە ەكونوميكالىق مۇمكىندىك»، - دەدى ك. ساعاديەۆ.
اۆتور: قانات مامەتقازى ۇلى
