م. تايجان جەر رەفورماسى جونىندەگى كوميسسيانىڭ قۇقىقتىق باعىتتاعى جۇمىس توبىنا جەتەكشىلىك ەتەتىن بولادى
بۇگىن ق ر پرەمەر-ءمينيسترىنىڭ ءبىرىنشى ورىنباسارى، جەر رەفورماسى بويىنشا رەسپۋبليكالىق كوميسسيا ءتوراعاسى باقىتجان ساعىنتايەۆتىڭ جەتەكشىلىگىمەن كوميسسيانىڭ ەكىنشى وتىرىسىندا وسىنداي شەشىم قابىلداندى.
ايتا كەتەرلىگى، وتكەن ءبىرىنشى وتىرىستا كوميسسيا ءارتۇرلى باعىتتا جۇمىس توپتارىن قۇرۋ تۋرالى ماسەلە كوتەرىپ، ەكونوميكالىق، قۇقىقتىق، اقپاراتتىق جانە ۇيىمداستىرۋشىلىق باعىتىنداعى ءتورت توپ قۇرىلاتىنىن بەلگىلەگەن بولاتىن.
قۇقىقتىق توپقا جەتەكشىلىك ەتۋگە كوميسسيا مۇشەسى مۇحتار تايجاننان باسقا، ءماجىلىس دەپۋتاتى نۇرتاي سابيليانوۆتىڭ، ادىلەت ۆيتسە-ءمينيسترى زاۋرەش بايمولدينانىڭ كانديداتۋراسى ۇسىنىلعان ەدى. ولاردىڭ ەكەۋى دە كانديداتۋرالارىن قايتارىپ الدى. داۋىس بەرۋ بارىسىندا م. تايجان جۇمىس توبىنا جەتەكشىلىك ەتەتىن بولىپ شەشىلدى.
اۆتور: قانات مامەتقازى ۇلى
