جەر رەفورماسى كوميسسياسى جانىنداعى قوعامەن بايلانىس توبىنا م. ابەنوۆ جەتەكشىلىك ەتەدى

استانا. قازاقپارات - جەر رەفورماسى بويىنشا رەسپۋبليكالىق كوميسسيا جانىنداعى اقپاراتتىق توپقا قوعام قايراتكەرى مۇرات ابەنوۆ جەتەكشىلىك ەتەدى.

اتاپ ايتقاندا، اقپارات بەرۋ جانە كوميسسيا جۇمىسى شەشىمدەرىن ءتۇسىندىرۋ بويىنشا قوعاممەن جۇمىس جۇرگىزۋ توبىنىڭ مۇشەلىگىنە ءوز ەرىكتەرىمەن 16 ادام ۇسىنىلدى. كوميسسيا وتىرىسى بارىسىنداعى تالقىلاۋ بارىسىندا مۇرات ابەنوۆ وسى توپتى جەتەكشىلىك ەتۋگە بەكىتىلدى.

«وتكەندە ءبىرىنشى وتىرىستان كەيىن قوعامدا وسى ماسەلە كەڭىنەن تالقىلاندى. مەنىڭ ويىمشا، جالپى توپتىڭ اتاۋىن قوعاممەن بايلانىسۋ نەمەسە كوميسسيانىڭ جۇمىسىن اقپاراتتاندىرۋ دەپ ناقتىلاۋ كەرەك. ال اقپاراتتىق ءتۇسىندىرۋ توبى دەپ اتالسا، وندا بۇكىل كوميسسيا تەك بۇرىن قابىلدانعان نورمالاردى ءتسىندىرىپ، سونى قالاي بولسا دا وتكىزۋ دەپ قابىلداۋدا. سوندىقتان قوعاممەن بايلانىسۋ جانە كوميسسيانىڭ جۇمىسىن اقپاراتتاندىرۋ دەپ اتالعانى دۇرىس دەپ ەسەپتەيمىن»، - دەدى م. ابەنوۆ.

وسى رەتتە تالقىلاۋ بارىسىندا توپتىڭ اتاۋىن وزگەرتۋگە قاتىسۋشىلار كەلىسىم بەردى.