جۋرناليستەر اراسىندا جىل سايىن وتكىزىلەتىن «نۇر سۇڭقار» رەسپۋبليكالىق بايقاۋى جاريالاندى
«2015 -جىلعى 1 -قىركۇيەكتەن 2016 -جىلعى 19 -ماۋسىمعا دەيىن جاريالانعان نەمەسە ەفيرگە شىققان ماتەريالدار جانە دە جاريالانىمدار مەن باعدارلامالار سيكلدەرى ءتۇرلى جانرلاردا (وچەرك، سۇحبات، ماقالا، تەلەۆيزيالىق جانە راديو باعدارلامالار، جۋرناليستىك زەرتتەۋلەر جانە باسقالارى) قابىلدانادى»، - دەلىنگەن حابارلامادا.
ماتەريالدار مەملەكەتتىك جانە ورىس تىلدەرىندە قابىلدانادى. بايقاۋعا ماتەريالداردى قابىلداۋدىڭ سوڭعى كۇنى - اعىمداعى جىلدىڭ 20 -ماۋسىمى. جەڭىمپازدار بيىلعى ماۋسىمدا اقپارات جانە بايلانىس قىزمەتكەرلەرى كۇنى قارساڭىندا ەلوردامىز - استانا قالاسىندا ماراپاتتالادى.
وسىلايشا، جەڭىمپازدار 8 نوميناتسيادا انىقتالاتىن بولادى:
1. «ەرەكشە پىكىر» - ەڭ ۇزدىك تەلەۆيزيالىق جۋرناليست؛
2. «ءسوز شەبەرى» - ەڭ ۇزدىك گازەت جۋرناليسى؛
3. «قوعام ءۇنى» - ەڭ ۇزدىك راديو جۋرناليسى؛
4. «مەديا- پروفي» - ەڭ ۇزدىك اقپاراتتىق اگەنتتىك جۋرناليسى؛
5. «كوزقاراس» - ەڭ ۇزدىك بلوگەر؛
6. «ايماق ايناسى» - ەڭ ۇزدىك وڭىرلىك كوررەسپوندەنت؛
7. «الەم. XXI عاسىر» مانيفەسىن ىلگەرىلەتۋگە قوسقان ۇلەسى ءۇشىن»
8. «پارتيا قىزمەتى تۋرالى ەڭ ۇزدىك ماتەريال ءۇشىن»
جەڭىمپازدارعا باعالى سىيلىقتار تاپسىرىلاتىن بولادى.
ماتەريالداردى بايقاۋدىڭ ۇيىمداستىرۋ كوميتەتىنە كەلەسى مەكەن- جايعا جولداۋ كەرەك: 010000، استانا قالاسى، «نۇر وتان» پارتياسىنىڭ ورتالىق اپپاراتى، د. قونايەۆ كوشەسى، 12/1, №705 كاب.، تەل.: 87172707601، 87172555563، ەلەكتروندىق پوشتا مەكەن-جايى: nursunkar2016@nurotan.kz.
