بالاقتاعى ءبيت باسقا شىقتى
باسقانى بىلاي قويىپ «حابار» مەن «قازاقستان» ارنالارى سولاردىڭ ناسيحاتشىسىنا اينالعاننان كەيىن نە شارا؟ كەشە «بەنەفيس شوۋ» باعدارلاماسىندا سايات مەدەۋوۆتىڭ ءانىن ايتقان افريكاندىق جەلوكپەلەردى قىدىرالى مەن قاراقات جەر-كوككە سيعىزباي ماقتادى. ونىڭ الدىندا ءبىر تەلەارنا ديدجەي ۋمبەرتو باستاعان كۋبالىق جىگىتتەرى ءۇشىن ويلانباستان «التىن ۋاقىتتارىن» قۇرباندىققا شالىپ جىبەردى. بۇدان كەيىن قالعان تەلەارنالار قاراپ قالسىن با؟ ولاردا تۇتاس ءبىر جوبالار دايىنداپ جاتقان شىعار؟.. نە بولىپ بارامىز؟ وسى توي قازاقتىڭ تۇبىنە جەتپەسە بولعانى. انشىلەرىمىز انشەيىندە ءبىر- بىرىمەن «مەنىڭ ءانىمدى ايتىپ قويدىڭ» دەپ جاعا جىرتىسقاندا تىم «زاكونشىل» بولىپ كورىنۋشى ەدى. ەندى قارا زاڭگىلەر ءانىن ايتىپ، ىرىسىنا قول سۇققاندا نەگە ءۇنسىز؟ باسقا- باسقا ساياتتىڭ بۇعان مويىنۇسىنۋى ءتىپتى ۇيات بولدى. ول سول شوۋدا زاڭگىلەرمەن ءان ايتۋدان باس تارتقاندا قانداي كەرمەت بولار ەدى. الگى افريكاندىق «قىزۋ قاندى» جىگىتتەردى قازاقتىڭ ونەرى قىزىقتىرماعانى انىق. ءبارى قازاقتىڭ بەرەكەلى تويىنان تابىس تاۋىپ قالۋعا قۇمار. اباي ايتپاقشى «ۇستاراسىز اۋزىڭا ءتۇستى مۇرتىڭ» دەگەن كەزەڭ وسى شىعار؟
