استانالىق پاركتە جاڭا اتتراكسيوندار اشىلادى

استانا. قازاقپارات - جاڭا ماۋسىمدا ەلوردا پاركىندە قالا تۇرعىندارى مەن قوناقتارىن كوپتەگەن توسىن سىي كۇتىپ تۇر، دەپ حابارلايدى قالانىڭ رەسمي سايتى.

بيىل پاريجدەگىدەي اتكەنشەك، 7D جەدەل ساتى، ۇلكەن ارقاندار پاركى، دالاداعى سپورتتىق باتۋت كەلۋشىلەرگە جاقسى كوڭىل-كۇي سىيلايدى. سونداي-اق، پاركتە ەكولوگيالىق حايۋاناتتار باعى اشىلىپ، جانۋارلارمەن ويناۋ، ولاردى قورەكتەندىرۋ مۇمكىندىگى بەرىلەدى.

- جالپى، ساياباق اۋماعىندا 16 اتتراكسيون بار. جاڭالارىن 1 -ماۋسىمدا اشۋ جوسپارلانعان. جازدا بالالار مەن ەرەسەكتەر ءۇشىن پاريجدە ەيفەل مۇناراسىندا تۇرعان الەمدىك ستاندارتتاعى اتكەنشەككە ۇقساس اتتراكتسيون ىسكە قوسىلادى. ودان باسقا، كىشكەنتاي استانالىقتارعا ارنالعان ءتورت كوڭىلدى جانە جارقىن اتتراكسيون جۇمىس ىستەيتىن بولادى، - دەيدى قالالىق ساياباق مەڭگەرۋشىسى عاني حاسەنوۆ.

بالالار مەن جاستاردىڭ سۇيىكتى اتتراكسيوندارى - Space Gun، ياعني، «ديىرمەن»، اتاقتى «زۋبر»، «قاراقشىلار كەمەسى» اتكەنشەگى، ۇلكەن تىزبەكتىك اتكەنشەك. ازىرگە، پاركتە بەلگىلى «امەريكالىق اتكەنشەك» جوق، ونىڭ ورنىنا «قىرىقبۋىن» تۇر. التى مەترلىك بيىكتىككە شىعۋعا بولاتىن ارقان كوپشىلىك اراسىندا سۇرانىسقا يە. بۇل جەردە تولىق قاۋىپسىزدىك قامتاماسىز ەتىلەدى، وعان 5 جاستان اسقان بالالار مەن سالماعى 120 ك گ دەيىنگى ەرەسەكتەر جىبەرىلەدى. مارشرۋت ترەناجەر زالىنداعى ءبىر ساعاتتىق جاتتىعۋمەن تەڭ، ويتكەنى، بۇلشىق ەتتەردىڭ بارلىعى جۇمىس ىستەيدى. قازىرگى كەزدە قازاقستانداعى ەڭ ءىرى ارقان پاركىنىڭ قۇرىلىسى جۇرگىزىلىپ جاتىر، ول 1 -ماۋسىمعا قاراي اشىلادى.

- ونىڭ بيىكتىگى 12 مەتر. ساقتاندىرۋ جۇيەسى بويىنشا ادامعا كەز كەلگەن ۋاقىتتا ۇستاۋعا بولاتىن نارسەلەر جاسالادى. بۇل جۇيە اياقتالۋ ۇستىندە. ال اعاشتاردىڭ بەلگىلى ءبىر ورتا قۇراتىنىن ايتا كەتكەنىمىز ءجون، - دەيدى عاني حاسەنوۆ.

جاڭاشىلدىقتىڭ ءبىرى - دالادا ورنالاسقان سپورتتىق باتۋت. ول شاتىردىڭ ىشىندە تۇرادى جانە 10 جاستان اسقاندارعا ارنالعان. سونداي- اق، ساياباقتا اعاشتان جاسالعان ەكولوگيالىق حايۋاناتتار باعىنا ارنالعان ورىن ءبولىندى.

قىسقا مەتراجدى فيلمدەردى ۇناتاتىندار ءۇشىن پروەكسياسى بار 7D- ليفت جاسالدى، ونىڭ كومەگىمەن ادامنىڭ ەركىن قۇلاۋى يميتاتسياسى جۇزەگە اسىرىلادى.

اتكەنشەكتەردى جاڭا شاعىن گولف تاكسيمەن ارالاۋعا بولادى.

عاني حاسەنوۆتىڭ اتاپ وتۋىنشە، پاركتەگى اتتراكسيونداردىڭ جاعدايىن 10 جىلدان استام ۋاقىتتان بەرى جۇمىس ىستەپ كەلە جاتقان جانە ءوز ىسىنە ادال مەحانيكتەر قارايدى.

ايتا كەتەيىك، پاركتە بۇرىنعىداي رەتسىز ساۋدا- ساتتىق جۇرگىزىلمەيدى جانە كورىكسىز پاۆيلوندار جوق.

- بيىل ءبارى جاڭاشا. دۇڭگىرشەكتەر الىنىپ تاستالدى، قازىرگى كيوسكىلەردىڭ بەلگىلى ءبىر ادەمى ديزاينى قاراستىرىلعان. پاۆيلونداردىڭ ەسكيزدەرىن كاسىپكەرلەردىڭ وزدەرى جاسادى، ال ارنايى كوميسسيا بەكىتتى. بۇل ماسەلەگە ءبىز ۇلكەن جاۋاپكەرشىلىك تانىتتىق، - دەيدى پارك مەڭگەرۋشىسى.

استانالىق پارك اۋماعى 17 گەكتارعا جۋىق، ول بىرنەشە ايماققا بولىنگەن. مۇندا كەلۋشىلەر ۇناتاتىن اققۋلار قوناتىن توعان دا بار. قالالىق جاعاجاي شومىلۋ ماۋسىمىنىڭ باستالۋىنا دايىندالىپ جاتىر، قازىرگى كەزدە جۇمىسشىلار وزەننىڭ ءتۇبىن تازالاپ، قورشاعان اۋماقتى اباتتاندىرۋدا. اشىق باسسەيندەر اۋماعىن جاساۋ جوسپارلانعان، جوندەۋ جۇمىستارى قارقىندى جۇرگىزىلىپ جاتىر، ول جاعاجاي ماۋسىمىنىڭ اشىلۋىنا قاراي تولىق اياقتالماق.