كانادالىق جۇپ ۇيلەنۋ تويىندا مىڭداعان مىسىقتى قوناق ەتتى - فوتو

استانا. قازاقپارات - كانادادا جانۋارلاردى جاقسى كورەتىن جۇپ ۇيلەنۋ تويىندا مىڭداعان مىسىقتى قوناق ەتتى.

بۇل تۋرالى 20 -مامىردا حابارلاندى، دەپ جازادى The Daily Telegraph.

دومينيك يۋسسون (Dominic Husson) مەن لۋزي ۆەروننو (Lousie Veronneau) كاليفورنياعا كۆەبەكتەن مىسىقتار اسىرايتىن The Cat House ۇيىنە ارنايى كەلگەن. قوس عاشىق ءتىپتى جانۋارلار ءۇيىنىڭ نەگىزىن قالاۋشى لينەيا لاتتانتسيونى (Lynea Lattanzio) ونىڭ ءدىني ءراسىمدى جۇرگىزۋ قۇرمەتىنە يە بولۋىنا كوندىردى.

«ەكەۋمىز دە جانۋارلاردى قاتتى جاقسى كورەمىز، سوندىقتان شەشىمدى قابىلداۋ دا وڭاي بولدى»، - دەگەن يۋسسوننىڭ ءسوزىن كەلتىردى اۆس30. ۆەروننو، ءوز كەزەگىندە، لاتتانتسيو مەن ونىڭ كومانداسىنىڭ قىزمەتىن ەرەكشە باعالايتىنىنا توقتالىپ ءوتتى.

توي 17 -مامىردا ءوتتى. جاس جۇبايلار تۋىستارى مەن جاقىندارىنان سىيلىقتىڭ ورنىنا جانۋارلار ۇيىنە قايىرىمدىلىق جاساۋىن ءوتىندى.

The Cat House ۇيىندە مىسىقتار تورعا قامالماعان، ولاردىڭ ەركىن سەرۋەندەپ جۇرۋىنە مۇمكىندىك بەرىلگەن.