اسكەري دارىگەرلەر ءولىم اۋىزىنداعى قىز بالانى قۇتقارىپ قالدى
5 جاستاعى الينا سۋ تولتىرىلعان سيستەرناعا قۇلاپ، تۇنشىعىپ قالعان. ونى تاۋىپ العاندار، جاقىن ماڭدا ورنالاسقان ەمدەۋ مەكەمەسىنە، وتارداعى 63302 ءا/ب جەكەلەگەن مەديتسينالىق جاساعىنا جەتكىزگەن.
«قىز بالا كلينيكالىق ءولىم اۋزىندا جەتكىزىلگەن. ونىڭ تەرى قاباتى سۇپ-سۇر، سۋىق بولدى. دەم الۋى مەن جۇرەك قاعىسى بولعان جوق. كوزىنىڭ قاراشىعى بارىنشا كەڭەيىپ كەتكەن. ءبىز جاقىن ماڭدا ورنالاسقان بىردەن-ءبىر مەديتسينالىق مەكەمەمىز. ونى بىردەن انەستەزيا جانە جان ساقتاۋ بولىمشەسىنە الىپ كەتتى»، - دەيدى مەديتسينالىق ءبولىم باستىعى، رەانيماتولوگ- انەستەزيولوگ دارىگەرى م/ق پودپولكوۆنيگى اباي رىسقۇلوۆ.
اسكەري دارىگەرلەر بريگاداسى، انەستەزيا جانە رەانيماتسيا بولىمشەسىنىڭ باستىعى م/ق اعا لەيتەنانتى سايات بەكىبايەۆ، مەديتسينالىق ءبولىم باستىعى، رەانيماتولوگ- انەستەزيولوگ دارىگەرى م/ق پودپولكوۆنيگى اباي رىسقۇلوۆ، مەيىربيكە، ق ك قىزمەتكەرى رايحان دادەنبايەۆا جان ساقتاۋ شارالارىنا كىرىسكەن.
قىز بالانىڭ تاماعىنا تۇتىكشە قويىلدى، دەم الۋ اپپاراتىنا قوسىلادى، 100 پايىز وتتەگى جىبەرە وتىرىپ، جاساندى اۋا الماستىرۋ جۇرگىزىلگەن. ءارى قاراي جۇرەكتى جاناما تۇردە ۋقالاۋ جاسالىپ، جۇرەگىنە 4 مارتە ادرەنالين جانە اتروپين ەگىلگەن. 20-شى مينۋتتا جۇرەكتىڭ ءلۇپىلى قالپىنا كەلدى.
«قىزدىڭ وكپەسىنەن شامامەن 150 م ل سۇيىقتىق پەن اسقازانىنان 1 ليتردەي سۋ سورعىزىپ الدىق. كەشكە قاراي بۇلدىرشىندە تىرشىلىك نىشاندارى پايدا بولدى. قاراشىعى جارىققا رەاكتسياسى بەردى، تاڭعا جاقىن قولدارى مەن اياقتارى قيمىلدادى»، - دەدى اباي رىسقۇلوۆ. ودان كەيىن بالاعا بالالار رەانيماتسيالىق بريگاداسى كەلدى. ال سودان سوڭ اۋە كولىگىمەن ونى تارازعا جونەلتكەن.
قازىرگى ۋاقىتتا بالانىڭ جاعدايى قالىپتى. بالا ەسىن جيدى، تۋىستارىن تاني باستادى. وزدىگىنەن تاماقتانادى، سۋ ىشە الادى. قازىرگى كەزدە وڭالۋ كەزەڭى جۇرۋدە. سول مەزەتتە قىزدى قۇتقارىپ قالعان مەديتسينالىق ءبولىم باستىعى م/ك پودپولكوۆنيگى اباي رىسقۇلوۆ ءوزىن باتىرمىن دەپ ەش ەسەپتەمەيدى. «بۇل مەنىڭ جۇمىسىم. ءبىز بالا، ەرەسەك، اسكەري قىزمەتشى نەمەسە ازاماتتىق ادام دەپ ءبولىپ- جارمايمىز. ءبىز ءۇشىن ءبىرىنشى كەزەكتە ولاردىڭ بارلىعى ەمدەلۋشىلەر. بىزگە جول- كولىك اپاتىنان زارداپ شەككەندەردى ءجيى اكەلەدى. ويتكەنى، جانىمىزدا الماتى- قورداي تاس جولى ورنالاسقان. ونىڭ ۇستىنە بارلىق جاقىن ورنالاسقان اۋىلداردىڭ تۇرعىندارى كومەككە جۇگىنەدى».
قر قارۋلى كۇشتەرىندە اسكەري مەديتسينا سالاسى ساپالى جاڭا دەڭگەيگە كوتەرىلىپ كەلە جاتىر. بۇنىڭ دالەلى رەتىندە سالا ءۇشىن جوعارى بىلىكتى كادرلاردىڭ دايىندىعى، اسكەري- مەديتسينالىق مەكەمەلەردىڭ ماتەريالدىق- تەحنيكالىق بازاسىنىڭ جەتىلدىرىلۋى جانە اسكەري قىزمەتشىلەردى جوعارى ساپاداعى ەمدەۋدى ايتۋعا بولادى.
