قازاق ءتىلىن دامىتۋ باعدارلاماسىن ازىرلەۋدى ءبىر ورگاننىڭ قۇزىرىنا بەرۋ كەرەك - مينيستر - فوتو
بۇگىن استانادا وتكەن مادەنيەت جانە سپورت مينيسترلىگىنىڭ قوعامدىق كەڭەسىنىڭ وتىرىسىندا ارىستانبەك مۇحامەدي ۇلى وسى ماسەلەنى كوتەردى.
«بۇل باعدارلامانىڭ ءبىر بولىگى مادەنيەت جانە سپورت مينيسترلىگىنە قارايدى، تاعى ءبىر بولىگى ءبىلىم جانە مادەنيەت مينيسترلىگىنە قارايدى. ءبىزدى سىنعا العان كەزدە ءبىز ءبىلىم جانە عىلىم مينيسترلىگىنە سىلتەيمىز. سول سياقتى، ءبىلىم جانە عىلىم مينيسترلىگى سىنالسا، ولار بىزگە سىلتەيدى. بۇل ماسەلەگە باسىمەن جاۋاپ بەرەتىن ورگان جوق. سوندىقتان، مەملەكەتتىك ءتىلدى دامىتۋ باعدارلاماسىن ءبىر ۆەدومستۆو ازىرلەپ، ءبىر ۆەدومستۆو جاۋاپ بەرسە، دۇرىس بولار ەدى»، - دەدى ا. مۇحامەدي ۇلى.
مينيستر ءمالىم ەتكەندەي، بۇل ماسەلە ۇكىمەت قۇلاعىنا جەتكەن جانە جاقىن ارادا جاۋاپتى ۆەدومستۆو انىقتالۋى ءتيىس.
«ارينە، قازاق ءتىلىنىڭ دامۋىنا ءبارىمىز بىردەي ۇلەس قوسامىز. ءبىراق، ناقتى قۇجاتتىڭ ازىرلەنۋى مەن ونىڭ ناقتى ناتيجەسى ءۇشىن ءبىر ورگان جاۋاپتى بولۋ كەرەك»، - دەپ تولىقتىردى مينيستر.
