عالىمدار ەگىزدەردىڭ ۇزاق جاساۋىنىڭ سىرىن ءتۇسىندىردى

استانا. قازاقپارات - ەگىز ادامدار قاراپايىم ادامدارعا قاراعاندا ۇزاق ءومىر سۇرەدى.

بۇل ەكى ەگىزدىڭ ۇنەمى ءبىر-ءبىرىن قولداپ، كومەكتەسۋى سەبەپتى ەكەن. امەريكالىق عالىمدار وسىنداي پايىم جاساعان.

دارىگەرلەر دانيادا 1870-1900 -جىلدارى ومىرگە كەلگەن ەگىزدەردى زەرتتەگەن. اۋرۋ مەن ءولىم دەڭگەيىن سالىستىرا وتىرىپ زەرتتەگەن عالىمدار ەگىزدەردە «قورعانىس ەففەكتىسى» ەرەكشە ەكەنىن بايقاعان. الايدا 60 جاستان اسقان سوڭ گەنەتيكالىق فاكتورلار ەگىزدەر دەنساۋلىعىنا بەلسەندى اسەر ەتە باستايدى ەكەن. دەگەنمەن اتالعان ەففەكتىلەر ءومىر ءسۇرۋ جاسىن 10 پايىزعا ۇزارتا الادى.

عالىمدار ەگىزدەردىڭ دەنساۋلىعى مەن سەزىنۋ قابىلەتىنىڭ مىقتى بولۋى ولاردىڭ ءبىر-بىرىنە كومەكتەسۋ مەن قولداۋ جاساۋعا ۇنەمى دايىن تۇراتىندىعىندا دەيدى. ولار ءاردايىم ءبىر-بىرىنە قاتتى سەنەدى ەكەن.

Stan.kz