ا ق ش- تا فەرمەر ءتۇرلى- ءتۇستى جۇگەرى ءوسىرىپ شىعاردى

استانا. قازاقپارات - امەريكالىق فەرمەر كارل بارنس ءوزى Glass Gem دەگەن ات بەرگەن ءتۇرلى- ءتۇستى جۇگەرى تۇقىمىن ويلاپ شىعاردى. بۇل تۋرالى Kedem اقپارىنا سۇيەنگەن ras.kz حابارلادى.

وزگەشە بوياۋلارعا مالىنعان جۇگەرى سۇرپىن ءوسىرىپ شىعارعان كارل بارنس ا ق ش- تىڭ وكلوحوما شتاتىن جايلاعان ۇندىستەردىڭ چيروكي تايپاسىنىڭ وكىلى بولىپ تابىلادى.

ول ءتۇرلى- ءتۇستى جۇگەرىنى جاساپ شىعارۋ ءۇشىن بۇل داقىلدىڭ الۋان ءتۇرلى بوياۋلى گيبريدتەرىن اشىق توزاڭداندىرۋ جولىن پايدالانعان ەكەن. ناتيجەسىندە ءتۇرى قىمبات باعالى اسىل تاستارعا ۇقسايتىن، ادەمى ىرىكتەلگەن باداناداي ءىرى ءداندى جاڭا جۇگەرى پايدا بولعان.

وسىلايشا كرەمنيلى جۇگەرىنىڭ ءبىر ءتۇرى جاسالعان. ءبىراق ونىڭ ءدانى ونشالىقتى ءدامدى ەمەس. ونى وسى قالپىندا تاماق رەتىندە پايدالانۋعا بولمايدى. ال بۇدان كەرەمەت جاقسى ۇن مەن پوپكورن دايىندالادى.

قازىرگى تاڭدا اتالمىش جۇگەرى تۇقىمىنىڭ پاكەتى ينتەرنەت- ماگازيندەردە $4,95-عا ساتىلادى. ونىڭ ءونىمى 110-120 كۇندە دايىن بولادى.