موڭعوليا قازاقستاندىق «ەير استاناعا» ءوز ەلىنە ۇشۋعا رۇقسات بەرمەي قويدى

استانا. قازاقپارات - «ەير استانا» كومپانياسى استانا -ۇلان باتىر باعىتى بويىنشا ۇشۋعا ءتيىس رەيستى توقتاتۋعا ءماجبۇر بولدى دەپ حابارلايدى «استانا» ارناسى.

موڭعوليانىڭ اۆياتسيالىق مەكەمەسى قازاقستاندىق كومپانيانىڭ جولاۋشى تاسىمالداۋىنا رۇقسات بەرمەگەن. بۇل تۋرالى «ەير استانا» اقپارات تاراتتى.

موڭعوليا تاراپى بىرنەشە سەبەپتى العا تارتقان كورىنەدى. ياعني اۋديتتىك تەكسەرۋلەرگە بايلانىستى، ۇلان باتىر اۋەجايىنىڭ ۋاقىتشا جابىلۋى، ەل استاناسىندا وتەتىن «ازيا-ەۋروپا» سامميتىنە وراي رەيستەر سانىنىڭ قىسقارىپ جاتقانى سەبەپ بولۋى مۇمكىن.

ۇلتتىق تاسىمالداۋشى بيلەت ساتىپ العانداردىڭ قارجىسىن قايتارىپ بەرمەك. قازىر كليەنتتەرگە ءتۇسىندىرۋ جۇمىستارى جۇرگىزىلىپ جاتىر دەيدى كومپانيا وكىلى.