قىتايلىق عالىم قورقىت مۇرالارىن زەرتتەپ ءجۇر

استانا. قازاقپارات - ءتۇبى ءبىر تۇركىنىڭ ورتاق ابىزى - قورقىت اتانىڭ مەموريالدىق كەشەنى وزگە ەل تۇرعىندارىنىڭ دا قىزىعۋشىلىعىن تۋعىزىپ كەلەدى.

جىلدان جىلعا اتالمىش ورىندى تاماشالاۋعا كەلۋشىلەر سانى ارتىپ كەلەدى.

ولاردىڭ قاتارىندا تۇركى مەملەكەتتەرىنەن وزگە دە ەلدەردەن بار. اتاپ ايتقاندا، جىل باسىنان بەرى مۇندا انگليا، فرانسيا، كانادا سىندى ءبىرقاتار سىرت مەملەكەتتەن 50 گە جۋىق تۋريست كەلگەن. سونداي-اق، قىتايداعى ىلە پەداگوگيكالىق ۋنيۆەرسيتەتىنىڭ پروفەسسورى ءۇرىمجىباي جەتىباي ۇلى قورقىت مۇرالارىن ون جىلدان بەرى زەرتتەپ كەلەدى. اڭىز ادامنىڭ ءومىرى مەن تۋىندىلارىن قىتاي حالقىنا تانىستىرۋدى ماقسات ەتكەن. بۇل باعىتتا ءتۇرلى ماقالالار جازىپ، قالام تەربەپ ءجۇر.

قورقىت مەموريالدىق كەشەنى كونەنىڭ كوزىن كيە تۇتقان تۋريستەر ءۇشىن قۇندى جادىگەرگە اينالىپ وتىر، دەپ جازادى seykhuninfo.kz. «ەكسپو-2017» كورمەسى كەزىندە شەتەلدىك قوناقتار تاماشايلايتىن نىساننىڭ ءبىرى وسى كيەلى ورىن بولماق. قازىر مۇندا دايىندىق جۇمىستارى قارقىن العان.