بۇل كۇنى قازاق ك س ر- ءنىڭ حالىق ءارتىسى ءانۋار مولدابەكوۆ دۇنيەگە كەلگەن
الماتى وبلىسىنىڭ ىلە اۋدانىندا تۋعان. قازاق مەملەكەتتىك اكادەميالىق دراما تەاترى ستۋدياسىن پروفەسسور ءا. مامبەتوۆ پەن ن. ءجانتوريننىڭ جەتەكشىلىگىمەن بىتىرگەن.
1960-1965-جىلدارى قاراعاندى وبلىستىق قازاق دراما تەاترىنىڭ قۇرامىندا، ال 1965-جىلدان ءومىرىنىڭ سوڭىنا دەيىن قازاق مەملەكەتتىك اكادەميالىق دراما تەاترىندا اكتەر بولىپ قىزمەت ەتكەن.
وتتى قىزۋلىق، ايقىندىق پەن يدەيالىق تەرەڭدىك ونىڭ اكتەرلىك ونەرىنە ءتان قاسيەت.
مولدابەكوۆتىڭ سپەكتاكلدەردەگى باستى رولدەرى قاتارىندا دوسىم (ق. امانجولوۆ «دوسىمنىڭ ۇيلەنۋى»)، مامبەت (ش. ايتماتوۆ، ق. مۇحامەتجانوۆ «كوكتوبەدەگى كەزدەسۋ»)، قوبلاندى، كەبەك (م. اۋەزوۆ «قاراقىپشاق قوبلاندى»، «ەڭلىك - كەبەك»)، س. سەيفۋللين (س. مۇقانوۆتىڭ وسى اتتاس دراماسى)، جانتىق (ع. مۇسىرەپوۆ «قوزى كورپەش - بايان سۇلۋ»)، كەرىم (اۋەزوۆ، ل. سوبوليەۆ «اباي»)، الداركوسە (ش. حۇسايىنوۆتىڭ وسى اتتاس كومەدياسى)، ت. ب. بار. 1965-جىلدان كينوعا ءتۇسىپ، مۇسا («ءان قاناتىندا»)، ءتاجىباي («قيلى كەزەڭ»)، شەگە («قىز جىبەك»)، ەركەبۇلان («كەزدەسپەي كەتكەن ءبىر بەينە»)، ەلامان («قان مەن تەر»)، قاسىم باتىروۆ («قالا قالقانى»)، قوجابەك («قارالى سۇلۋ») بەينەلەرىن سومداعان.
«ەڭبەك قىزىل تۋ» وردەنىمەن ماراپاتتالعان.
