02:03, 20 - مامىر 2016 | GMT +5
ءدىلناز احماديەۆا قازاق ءتىلى كۋرسىنا بارىپ جۇرگەنىن ايتىپ ماقتاندى
استانا. قازاقپارات - قازاق ەستراداسىندا ءوز ورنى مەن تىڭدارمانىن قالىپتاستىرىپ ۇلگەرگەن ءدىلناز احماديەۆا قازاق ءتىلىن ۇيرەنىپ ءجۇر.
ءانشى الداعى ۋاقىتتاعى ماقساتتارىن دا ايتىپ بەردى.
بۇل تۋرالى احماديەۆا «قازاقستان» ۇلتتىق تەلەارناسىنداعى «تۇنگى ستۋديا» باعدارلاماسىندا ايتىپ بەردى.
ءانشىنىڭ الداعى ۋاقىتتا ارمانىنا جەتكىسى كەلەتىنىن ەستىگەن جۇرگىزۋشى نۇرلان قويانبايەۆ قول ۇشىن بەرەتىنىن ايتتى. الايدا، ءانشى ءۇش بالانىڭ اناسى اتانعىسى كەلەتىنىن، وعان ونىڭ ەشقانداي كومەك كورسەتە المايتىنىن ايتىپ ءوتتى.
بۇدان بولەك ءانشى باسىنان كەشكەن قىزىقتى وقيعاسىمەن دە ءبولىستى. ول ءبىر كەزدەرى ساحناعا شىعىپ ءان ايتار الدىندا اياق كيىمىن تاپپاي، تىعىرىققا تىرەلگەنىن، قۇربىسىنىڭ 38 مولشەرلى تۋفليىن كيىپ، ءان ايتقاندا ورنىنان قوزعالا الماي قينالعانىن كۇلىپ ەسىنە الدى.
